Qyrǵyz respýblıkasy elimizge sý jiberýdi edáýir qysqartty

ASTANA. 10 shilde. Qyrǵyz jaǵy elimizge baratyn egis sýarýǵa arnalǵan sý kólemin eki esege deıin qysqartty. Bul týraly Tengrinews.kz habarlady. Qyrǵyz eliniń sý sharýashylyǵy basqarmasynan alynǵan málimetke qaraǵanda, respýblıkanyń sý qoımalarynda egis alqaptaryna dep jınalǵan sýdyń búginde 70 paıyzǵa jýyǵy maqsatsyz jumsalyp qoıǵan. Kórshi eldiń vıse-premer-mınıstri Taıyrbek Sarpashev sýdyń tıimsiz jumsalǵanyna kináli sheneýnikterdi qyzmetinen bosatam dep qatýlanypty. Sebebi, Bıshkek pen Shý oblysynda egiske kerekti sýdyń tapshylyǵy sezile bastaǵan. Onyń ústine bıyl sýdyń az bolýy da keri áserin tıgizýde. Mine, osy sebepterge baılanysty Qyrǵyz elinen Qazaqstanǵa jiberilýi tıis sýdyń kólemin budan artyq kóbeıtý múmkin emes kórinedi. Jalpy, úkimetaralyq kelisim boıynsha Qyrǵyzstan bizdiń elge sekýndyna 35 tekshemetr kóleminde sý jiberip turýǵa mindetti. Biraq kórshi memleketten qazir sekýndyna 20 tekshemetrge jýyq qana sý kelip tur eken. Nurbaı Elmuratov. Derekkóz: Tengrinews.kz. Foto: Tengrinews.kz.