Toǵyz jeńis, bir jeńilis

Almatyda bokstan ótip jatqan «Qazaqstan Respýblıkasy Prezıdentiniń kýbogy» IV halyqaralyq týrnıriniń úshinshi kúni bes salmaq dárejesinde shırek fınaldyq jekpe-jekter ótip, jartylaı fınaldyq juptar anyqtaldy.  Osy kúni 10 boksshymyz 49, 52, 69, 81 kılolarǵa deıingi jáne asa aýyr sal­maqta sharshy alańǵa shyǵyp, olar­­­dyń toǵyzy jeńiske jetti. Eń je­ńil sal­maqtaǵy álem chempıony Bir­jan Jaqypov, Olımpıadanyń kúmis júl­de­geri Ádilbek Nııazymbetov óz­deri­niń babynda ekenderin kórsetti. Olar qar­sylastaryn tehnıkalyq nokaýt­pen jeń­se, 69 kılodaǵy Saǵadat Rah­man­qulov tájirıbeli Ázerbaıjan boksshysy Ta­merlan Abdýllaevty  nokdaýnǵa túsirdi. Budan keıin Ilııas Súleımenov pen komanda kapıtany Danııar Eleýsinov te aıqyn basymdyqpen jeńiske jetti. Ekeýi de qarsylastaryn 3:0 esebimen utty. Aýyr salmaqtaǵy alyptarymyz ese jibergen joq. Ivan Dychko ózbekstandyq Mır­zohıdjon Abdýllaevty, Qamshybek Qon­qabaev Rostıslav Arhıpenkony (Ýk­raına)  tize búktirip, jartylaı fınal­ǵa shyqty. О́kinishke qaraı, 81 kılo salmaqtaǵy Nurdáýlet Jar­manov otandastarynyń jolyn jalǵastyra almady. Ol Ýkraına boks­shysy Aleksandr Ganzýlıadan bir upaı aıyrmashylyǵymen jeńilip qaldy. Keshe qalǵan bes salmaqtaǵy otandastarymyz qolǵap túıistirdi. Dastan KENJALIN, «Egemen Qazaqstan».