Qazaqstan Respýblıkasy Úkimetiniń qaýlysy №767

2014 jylǵy 4 shilde, Astana, Úkimet Úıi «Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesin bekitý týraly» Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysyna (Qazaqstan Respýblıkasynyń PÚAJ-y, 2009 j. № 47-48, 444-qujat) mynadaı ózgerister men tolyqtyrýlar engizilsin: 1) kórsetilgen qaýlymen bekitilgen Tegin medısınalyq kómektiń kepildik berilgen kólemin kórsetý boıynsha dárilik zattardy, profılaktıkalyq (ımmýnobıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany, farmasevtıkalyq qyzmetterdi satyp alýdy uıymdastyrý jáne ótkizý erejesinde: 2-tarmaqta: 3) tarmaqsha mynadaı redaksııada jazylsyn: «3) tapsyrys berýshiler – densaýlyq saqtaý bıýdjettik baǵdarlamalarynyń ákimshileri, memlekettik mekemeler, sondaı-aq daýys beretin aksııalarynyń (úlesteriniń) elý jáne odan kóp paıyzy memleketke tıesili memlekettik kásiporyndar, zańdy tulǵalar jáne tegin medısınalyq kómektiń kepildik berilgen kólemin kórsetý, epıdemıologııalyq aýrýlardy emdeý jáne olardyń profılaktıkasy úshin medısınalyq tehnıkany satyp alatyn memlekettik organdar men memlekettik mekemelerdi, ulttyq basqarýshy holdıngterdi, ulttyq holdıngterdi, ulttyq basqarýshy kompanııalardy, ulttyq kompanııalardy jáne olarmen affılıırlengen zańdy tulǵalardy qospaǵanda, osy Erejege, sondaı-aq Qazaqstan Respýblıkasynyń azamattyq zańnamasyna sáıkes taýarlar men qyzmetter satyp alýdy júzege asyratyn zańdy tulǵalar;»; mynadaı mazmundaǵy 35) tarmaqshamen tolyqtyrylsyn: «35) ınvestısııalyq joba – tıisti óndiristik praktıka standarttaryna (GMP) sáıkes dárilik zattardyń jáne ISO13485 standarttaryna sáıkes medısınalyq maqsattaǵy buıymdardyń jańa óndiristerin qurýǵa, jumys istep turǵandaryn jańǵyrtýǵa ınvestısııalar kózdeıtin is-sharalar kesheni;»; 4-tarmaqta: ekinshi bólik alyp tastalsyn; mynadaı mazmundaǵy bólikpen tolyqtyrylsyn: «Baǵalar monıtorıngin júrgizý kezinde ýákiletti organ Birikken Ulttar Uıymynyń Bas Assambleıasy qurǵan uıym­dardan satyp alynatyn dárilik zattardyń, medısınalyq maqsattaǵy buıymdardyń baǵalaryn esepke almaıdy.»; 8-tarmaqtyń 7) tarmaqshasy mynadaı redaksııada jazylsyn: «7) dárilik zattardyń, profılaktıkalyq (ımmýndyq-bıologııalyq, dıagnostıkalyq, dezınfeksııalyq) preparattardyń jáne/nemese medısınalyq maqsattaǵy buıymdardyń áleýetti ónim berýshisiniń satyp alýǵa usynylatyn dárilik zattardy, profılaktıkalyq (ımmýndyq-bıologııalyq, dıagnostıkalyq, dezınfeksııalyq) preparattardy jáne/nemese medısınalyq maqsattaǵy buıymdardy óndirýshi ne óndirýshiniń resmı ókili mártebesi bolýy tıis. Medısınalyq tehnıkanyń áleýetti ónim berýshisiniń óndirýshi ne resmı dıstrıbıýtor, ne sharty nemese onyń satyp alýǵa usynylǵan medısınalyq tehnıkany satýǵa quqyǵyn rastaıtyn ózge qujattary bar óndirýshiniń resmı ókili mártebesi bolýy tıis;»; 13-tarmaqtyń 1) tarmaqshasy mynadaı redaksııada jazylsyn: «1) medısınalyq tehnıka Kodekske jáne densaýlyq saqtaý salasyndaǵy ýákiletti organ belgilegen tártipke sáıkes Qazaqstan Respýblıkasynda tirkelýi nemese Qazaqstan Respýblıkasynyń aýmaǵyna ýákiletti organnyń ruqsatymen Qazaqstan Respýblıkasy aýmaǵyna ákelýge ruqsat berý týraly qorytyndysyn (ruqsat berý qujatyn) usyna otyryp, Kodekste kózdelgen jaǵdaılarda nemese usynylǵan medısınalyq tehnıkany tirkeý qajettiligi joq ekenin rastaıtyn densaýlyq saqtaý salasyndaǵy ýákiletti organ bergen qujatty kórsetkende memlekettik tirkeýsiz ákelinýi tıis;»; 39-tarmaqta: 2) tarmaqshanyń jetinshi abzasy mynadaı mazmundaǵy ekinshi sóılemmen tolyqtyrylsyn: «Kórsetilgen anyqtama elektrondyq túrde berilgen kezde ýákiletti organnyń elektrondyq sıfrlyq qoltańbasymen rastalady;»; 4) tarmaqsha mynadaı redaksııada jazylsyn: «4) usynylatyn taýardyń naqty tehnıkalyq sıpattamasy kórsetilgen doc* formatyndaǵy qaǵaz jáne elektrondyq túrdegi tehnıkalyq erekshelikter;»; 40-tarmaq mynadaı mazmundaǵy 1-1), 1-2) tarmaqshalarmen tolyqtyrylsyn: «1-1) satyp alýǵa usynylatyn dárilik zattardyń, medısınalyq maqsattaǵy buıymdar óndirýshisiniń ne óndirýshisiniń resmı ókiliniń mártebesin rastaıtyn, biryńǵaı dıstrıbıýtor ótkizetin satyp alý tásili kórsetilgen, saýdalyq ataýlary boıynsha tenderlik ótinimderi bar konvertterdi ashý kúnine deıin aǵymdaǵy jyly berilgen qujattyń túpnusqasy nemese notarıat kýálandyrǵan kóshirmesi (sondaı-aq qajet bolǵan jaǵdaıda notarıat kýálandyrǵan aýdarmasy); 1-2) tirkeý kýáligine sáıkes óndirýshi nemese óndirýshi zaýyt rastaǵan dárilik zattardy, medısınalyq maqsattaǵy buıymdardy jetkizý kestesi;»; 40-1-tarmaq mynadaı redaksııada jazylsyn: «40-1. Medısınalyq tehnıkanyń áleýetti ónim berýshisiniń tenderlik ótiniminde osy Erejeniń 39-tarmaǵynda kózdelgen qujattardan basqa, satyp alýǵa usynylatyn medısınalyq tehnıkanyń áleýetti ónim berýshisi óndirýshisiniń mártebesin rastaıtyn qujattardyń túpnusqalary nemese notarıat kýálandyrǵan kóshirmeleri (qajet bolǵan jaǵdaıda notarıaldy rastalǵan aýdarmasy da) qamtylýy tıis. Tenderge resmı dıstrıbıýtor ne óndirýshiniń resmı ókili qatysqan jaǵdaıda, áleýetti ónim berýshiniń tenderlik ótiniminde onyń satyp alýǵa usynylatyn medısınalyq tehnıkany satý quqyǵyn rastaıtyn sharttyń nemese ózge de qujattardyń túpnusqalary nemese notarıat kýálandyrǵan kóshirmeleri (sondaı-aq qajet bolǵan jaǵdaıda notarıat rastaǵan aýdarmasyn) qamtylýy tıis.»; 82-tarmaq mynadaı mazmundaǵy bóliktermen tolyqtyrylsyn: «Dárilik zattarmen, medısınalyq maqsattaǵy buıymdarmen ýaqtyly qamtamasyz etý jáne satyp alýdy júzege asyrý maqsatynda densaýlyq saqtaý salasyndaǵy ýákiletti organ Birikken Ulttar Uıymynyń Bas Assambleıasy qurǵan uıymdardan satyp alýǵa jatatyn dárilik zattar men medısınalyq maqsattaǵy buıymdardyń tizbesin bekitedi jáne biryńǵaı dıstrıbıýtordyń atyna dárilik zattardyń, medısınalyq maqsattaǵy buıymdardyń halyq­aralyq patenttelmegen ataýyn, boljamdy qunyn (baǵasyn) kórsete otyryp, dárilik zattardyń tizbesin jiberedi. Densaýlyq saqtaý salasyndaǵy ýákiletti organ dárilik zattardy Birikken Ulttar Uıymynyń Bas Assambleıasy qurǵan uıymdardan satyp alý týraly sheshimdi eger, Birikken Ulttar Uıymy qurǵan uıymdardan satyp alýǵa usynylǵan dárilik zattar men medısınalyq maqsattaǵy buıymdar Biryńǵaı dıstrıbıýtordyń tizimine engizilgen jáne usynylǵan baǵa ýákiletti organ belgilegen satyp alý baǵasynan tómen bolǵan jaǵdaıda qabyldaıdy.»; 83-1-tarmaq mynadaı redaksııada jazylsyn: «83-1. Tapsyrys berýshilerde sol qarjylyq jyly dárilik zattar men medısınalyq maqsattaǵy buıymdarǵa bir­yńǵaı dıstrıbıýtor men tapsyrys berýshi arasynda jasalǵan dárilik zattar men/nemese medısınalyq maqsattaǵy buıymdardy satyp alý shartynda kórsetilgen kólemnen ósý jaǵyna qaraı qosymsha qajettilik týyndaǵan jaǵdaıda, tapsyrys berýshi biryńǵaı dıstrıbıýtorǵa kózdelgen qarajat sheginde dárilik zattar men medısınalyq maqsattaǵy buıymdardyń ataýyn, olardyń kólemi men jetkizý kestesin kórsete otyryp, qosymsha ótinim beredi.»; 84-tarmaqtyń 4) tarmaqshasy mynadaı redaksııada jazylsyn: «4) ótken jylǵy naqty tutynýdy eskere otyryp, dárilik zattardyń jáne medısınalyq maqsattaǵy buıymdardyń árbir ataýy boıynsha aı saıynǵy qajettiligi kórsetilgen kelesi jylǵa qajettilik esebi.»; 88-7-tarmaq mynadaı redaksııada jazylsyn: «88-7. Jobalanyp jáne salynyp jatqan densaýlyq saqtaý obektilerine medısınalyq tehnıkany respýblıkalyq bıýdjet esebinen satyp alýdy uıymdastyrý maqsatynda lızıng berýshi aıqyndaǵan tártip pen merzimde medısınalyq tehnıkanyń tehnıkalyq sıpattamalaryna jáne baǵasyna saraptama júrgizedi. Lızıng berýshi saraptamany densaýlyq saqtaý salasyndaǵy ýákiletti organ usynǵan aqparat boıynsha júrgizedi, onda medısınalyq tehnıkanyń tizbesi, tehnıkalyq sıpattamasy men sany, satyp alýǵa bólingen soma, jobalanyp jáne salynyp jatqan densaýlyq saqtaý obektisiniń bólimshesiniń bólinisinde árbir ataýy boıynsha medısınalyq tehnıkanyń sany qamtylýy tıis.»; 88-8-tarmaq alyp tastalsyn; 88-9-tarmaq mynadaı redaksııada jazylsyn: «88-9. SQ-Farmasııa densaýlyq saqtaý salasyndaǵy ýákiletti organmen kelisilgen, densaýlyq saqtaý salasyndaǵy ýákiletti organ usynǵan satyp alynatyn medısınalyq tehnıkanyń tizimderi negizinde bes jumys kúni ishinde tizbesi, sany, merzimi, jetkizý sharttary men orny, baǵasy jáne satyp alý úshin bólingen somasy, medısınalyq tehnıkanyń árbir ataýy boıynsha tehnıkalyq sıpattamalary (tehnıkalyq erekshelikteri) qamtylǵan satyp alynatyn medısınalyq tehnıkanyń jıyntyq tizimin qalyptastyrady, tender jarııalaıdy jáne osy Erejeniń 3-bóliminiń 10 jáne 11-taraýlarynda kózdelgen tártippen jetkizýshilerdi irikteýdi júrgizedi.»; 89-tarmaq mynadaı redaksııada jazylsyn: «89. Eger osy Erejeniń 7-tarmaǵy 1) tarmaqshasynyń ekinshi jáne úshinshi abzastarynda kózdelgen tásildermen dárilik zattardy, profılaktıkalyq (ımmýndyq-bıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany satyp alý kezinde áleýetti ónim berýshiler retinde tek sol bir lot boıynsha eki jáne odan kóp otandyq taýar óndirýshiler qatysqan jaǵdaıda, onda tapsyrys berýshi osy lot boıynsha otandyq taýar óndirýshilerdiń ǵana baǵa usynystaryn qaraıdy.»; 103-tarmaqtyń 3) tarmaqshasy mynadaı redaksııada jazylsyn: «3) dárilik zattardyń, medısınalyq maqsattaǵy buıymdardyń jáne medısınalyq tehnıkanyń tehnıkalyq sıpattamasy (tehnıkalyq sıpattamalar týraly málimetter kólemi aýqymdy bolǵan kezde biryńǵaı dıstrıbıýtordyń nemese medısınalyq tehnıkany satyp alýdy uıymdastyrýshynyń ınternet-resýrsynda ǵana ornalastyrylýy múmkin). Eger medısınalyq tehnıka qarjylyq lızıngke satyp alynǵan jaǵdaıda tehnıkalyq sıpattamasy lızıng shartynyń egjeı-tegjeıli sıpattamasyn qamtýy tıis;»; 107-tarmaqtyń birinshi bóliginiń 3) tarmaqshasyndaǵy «ýaqtyly oryndamasa, tenderlik ótinimdi kepildikti qamtamasyz etýdi biryńǵaı dıstrıbıýtor nemese medısınalyq tehnıkany satyp alýdy uıymdastyrýshy qaıtarmaıdy.» degen sózder «ýaqtyly oryndamasa;» degen sózdermen aýystyrylyp, mynadaı mazmundaǵy 4) tarmaqshamen tolyqtyrylsyn: «4) lot boıynsha satyp alýǵa bólingen somadan asatyn baǵa usynysyn berse, tenderlik ótinimdi kepildikti qam­tamasyz etýdi biryńǵaı dıstrıbıýtor nemese medısınalyq tehnıkany satyp alýdy uıymdastyrýshy qaıtarmaıdy.»; 119-tarmaqtyń 7) tarmaqshasyndaǵy «tanylǵan jaǵdaıda qaramaıdy.» degen sózder «tanylǵan jaǵdaıda;» degen sózdermen aýystyrylyp, mynadaı mazmundaǵy 8) jáne 9) tarmaqshalarmen tolyqtyrylsyn: «8) áleýetti ónim berýshi usynyp otyrǵan dárilik zattardy, profılaktıkalyq (ımmýndyq-bıologııalyq, dıagnostıkalyq, dezınfeksııalyq) preparattardy, medısınalyq maqsattaǵy buıymdar men medısınalyq tehnıkany jetkizý sharttary biryńǵaı dıstrıbıýtordyń ne osy Erejeniń 88-4-tarmaǵyna sáıkes satyp alýdy uıymdastyrýshynyń habarlamasynda kórsetilgen talaptarǵa sáıkes kelmegen; 9) usynylǵan tehnıkalyq erekshelikte usynylyp otyrǵan medısınalyq tehnıkanyń tehnıkalyq sıpattamasy dárilik zattardyń, medısınalyq maqsattaǵy buıymdardyń jáne medısınalyq tehnıkanyń aınalysy salasyndaǵy memlekettik saraptama uıymynyń saıtynda ornalasqan tirkeý qujattamasynda nemese/jáne tirkeý kýáliginde kórsetilgen tehnıkalyq sıpattamaǵa jáne/nemese jıyntyqqa sáıkes kelmegen jaǵdaıda qaramaıdy.»; 131-tarmaqta: 7) tarmaqshanyń úshinshi abzasy mynadaı redaksııada jazylsyn: «analogy joq medısınalyq maqsattaǵy buıym;»; mynadaı mazmundaǵy 8) tarmaqshamen tolyqtyrylsyn: «8) Qazaqstan Respýblıkasy ratıfıkasııalaǵan halyqaralyq sharttar (kelisimder), sondaı-aq olardy iske asyrý úshin qol qoıylǵan halyqaralyq sharttar negizinde densaýlyq saqtaý salasyndaǵy ýákiletti organnyń sheshimimen Birikken Ulttar Uıymynyń Bas Assambleıasy qurǵan halyqaralyq uıymdardan satyp alý kezinde.»; 132-2-tarmaq mynadaı redaksııada jazylsyn: «132-2. Osy Erejeniń 131-tarmaǵynyń 7) tarmaqshasyna sáıkes bir kózden satyp alýdy júzege asyrý kezinde azamattyq-quqyqtyq shart 1 jylǵa deıingi merzimge mynadaı jaǵdaılarda: 1) Qazaqstan Respýblıkasynda halyqaralyq patenttelmegen ataý boıynsha uqsastyqtary joq tek bir ǵana dárilik zat tirkelgende nemese quramy boıynsha halyqaralyq patenttelmegen ataýy bolmasa; 2) Qazaqstan Respýblıkasynda uqsastyqtary joq bir ǵana medısınalyq maqsattaǵy buıym tirkelgende jasalady. Azamattyq-quqyqtyq shart mynadaı: 1) Qazaqstan Respýblıkasynda halyqaralyq patenttelmegen ataý boıynsha dárilik zattyń uqsastyqtary tirkelgen; 2) Qazaqstan Respýblıkasynda medısınalyq maqsattaǵy buıymdardyń uqsastyqtary tirkelgen; 3) dárilik zattar men medısınalyq maqsattaǵy buıymdar biryńǵaı dıstrıbıýtordyń satyp alý tiziminen alyp tastalǵan; 4) dárilik zatty, medısınalyq maqsattaǵy buıymdy Qazaqstan Respýblıkasynda tirkeýdiń qoldanylý merzimi toqtatylǵan jaǵdaılarda buzylýǵa jatady.»; 132-3-tarmaqtyń 2) tarmaqshasy mynadaı redaksııada jazylsyn: «2) osy Erejeniń 12-tarmaǵynda kózdelgen talaptarǵa sáıkestikti rastaıtyn qujattar;»; mynadaı mazmundaǵy 132-4-tarmaqpen tolyqtyrylsyn: «132-4. Osy Erejeniń 131-tarmaǵynyń 8) tarmaqshasyna sáıkes bir kózden satyp alýdy júzege asyrý kezinde Birikken Ulttar Uıymynyń Bas Assambleıasy qurǵan uıym mynalardy usynady: 1) baǵa usynysy; 2) Birikken Ulttar Uıymynyń Bas Assambleıasynyń uıymdy qurǵanyn rastaıtyn qujattar; 3) dárilik zattardyń, medısınalyq maqsattaǵy buıymdardyń Qazaqstan Respýblıkasynda tirkelmegenin jáne olardyń Qazaqstan Respýblıkasynda tirkelmegen dárilik zattardy, medısınalyq maqsattaǵy buıymdardy satyp alý jaǵdaılaryn qospaǵanda, osy Erejeniń 12-tarmaǵynyń 1-4) tarmaqshasynda kózdelgen talaptarǵa sáıkestigin rastaıtyn qujattar; 4) dárilik zattardyń shyǵý tegi sertıfıkaty, óndirýshi zaýyttyń Dúnıejúzilik densaýlyq saqtaý uıymynyń aldyn ala biliktiligin joǵarylatýdan ótkenin rastaýy, jaramdylyq merzimi boıynsha jáne saqtaý sharttary boıynsha kepilhattar.»; «Dárilik zattar men medısınalyq maqsattaǵy buıymdardy uzaq merzimdi shart boıynsha satyp alýdy júzege asyrýdyń erekshe tártibi» degen 11-2-taraý mynadaı redaksııada jazylsyn: «133-8. Uzaq merzimdi jetkizý sharttaryn jasasýǵa konkýrs ótkizý maqsatynda biryńǵaı dıstrıbıýtor áleýetti ónim berýshilerden nomenklatýrany qalyptastyrýǵa deıin uzaq merzimdi jetkizý shartyn jasaý boıynsha túsken ótinishterdi eskere otyryp, nomenklatýrany qalyptastyrady jáne densaýlyq saqtaý salasyndaǵy ýákiletti organǵa bekitý úshin jiberedi. Nomenklatýra konkýrs ótkizý jylyna budan buryn jasalǵan uzaq merzimdi jetkizý sharty bolmaǵan jaǵdaıda, biryńǵaı dıstrıbıýtordyń qoldanystaǵy tizimindegi dárilik zattardyń, medısınalyq maqsattaǵy buıymdardyń ataýlaryn qamtıdy. 133-9. Densaýlyq saqtaý salasyndaǵy ýákiletti organ dárilik zattardyń, medısınalyq maqsattaǵy buıymdardyń nomenklatýrasyn alǵan sátten bastap on jumys kúni ishinde biryńǵaı dıstrıbıýtorǵa halyqaralyq patenttelmegen ataýyn nemese formýlıarlyq komıssııa maquldaǵan dárilik zattardyń, medısınalyq maqsattaǵy buıymdardyń quramyn, tehnıkalyq sıpattamasyn, dárilik zattardyń, medısınalyq maqsattaǵy buıymdardyń árbir ataýy boıynsha jetkizý kezeńiniń uzaqtyǵyn kórsete otyryp bekitilgen nomenklatýrany nemese negizdemesin usyna otyryp, dárilik zattardyń, medısınalyq maqsattaǵy buıymdardyń ataýlary boıynsha uzaq merzimdi jetkizý sharttary boıynsha satyp alýdyń orynsyzdyǵy týraly qorytyndyny usynady. 133-10. Biryńǵaı dıstrıbıýtor dárilik zattardyń, medısınalyq maqsattaǵy buıymdardyń nomenklatýrasyn satyp alýdyń orynsyzdyǵy týraly qorytyndy alǵan jaǵdaıda, dárilik zattardyń, medısınalyq maqsattaǵy buıymdardyń tıisti ataýlary boıynsha (lottar boıynsha) uzaq merzimdi jetkizý shartyn jasaýǵa konkýrs jarııalamaıdy. 133-11. Biryńǵaı dıstrıbıýtor uzaq merzimdi jetkizý shartyn jasasýǵa konkýrs ótkizý úshin baǵalaý komıssııasyn (budan ári – komıssııa) qurady jáne onyń quramyn bekitedi. 133-12. Komıssııa óz qyzmetin uzaq merzimdi jetkizý sharty jasalǵan sátten bastap ne uzaq merzimdi jetkizý shartyn jasasýǵa konkýrs ótkizilmegen dep tanylǵan sátten bastap toqtatady. 133-13. Komıssııa quramyna: 1) densaýlyq saqtaý salasyndaǵy ýákiletti organnyń komıtet tóraǵasynyń orynbasarynan tómen emes qyzmetkerleri; 2) ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organnyń komıtet tóraǵasynyń orynbasarynan tómen emes qyzmetkerleri; 3) tutynýshylardyń quqyqtaryn qorǵaý salasyndaǵy ýákiletti organnyń basqarma basshysynan tómen emes qyzmetkerleri (kelisim boıynsha); 4) dárilik zattardyń, medısınalyq maqsattaǵy buıymdar men medısınalyq tehnıkanyń aınalysy salasyndaǵy memlekettik saraptaý uıymy basshynyń orynbasarynan tómen emes qyzmetkerleri; 5) biryńǵaı dıstrıbıýtordyń basshylary, qyzmetkerleri; 6) Qazaqstan Respýblıkasy Parlamentiniń depýtattary (kelisim boıynsha); 7) quqyq qorǵaý organdarynyń qyzmetkerleri (kelisim boıynsha); 8) saıası partııalardyń músheleri (kelisim boıynsha); 9) farmasevtıkalyq nemese medısınalyq ónerkásip boıynsha akkredıttelgen beıindi qaýymdastyqtardyń ókilderi (kelisim boıynsha); 10) Ulttyq kásipkerler palatasynyń qyzmetkerleri kiredi. 133-14. Komıssııa quramyna tóraǵa, tóraǵanyń orynbasary jáne komıssııa músheleri kiredi. Komıssııa músheleriniń jalpy sany taq sandy quraýy tıis jáne on úsh adamnan kem bolmaýy tıis. Komıssııanyń sheshimderi hattamamen resimdeledi. Komıssııa hatshysy komıssııa múshesi bolyp tabylmaıdy jáne komıssııa sheshim qabyldaǵan kezde daýys berý quqyǵy bolmaıdy. 133-15. Densaýlyq saqtaý salasyndaǵy ýákiletti organnyń komıtet tóraǵasynyń orynbasarynan tómen emes qyzmetkeri – tóraǵa bolyp, biryńǵaı dıstrıbıýtordyń basshysy – tóraǵanyń orynbasary bolyp taǵaıyndalady. 133-16. Tóraǵa onyń qyzmetine basshylyq etedi, otyrystarda tóraǵalyq etedi, jumysty josparlaıdy jáne onyń sheshimderiniń iske asyrylýyna jalpy baqylaýdy júzege asyrady. Tóraǵa bolmaǵan ýaqytta onyń qyzmetin orynbasary atqarady. 133-17. Biryńǵaı dıstrıbıýtordyń qyzmetkeri komıssııa hatshysy bolyp tabylady, ol áleýetti ónim berýshilerden ótinimder salynǵan konvertterdi qabyldaıdy, komıssııa otyrysynyń kún tártibi boıynsha usynystardy, qajetti qujattar men materıaldardy ázirleıdi, komıssııa otyrysy ótken soń onyń hattamalaryn resimdeıdi, kelip túsken ótinimderdi jáne ótinimi bar konvertterdi ashý rásimine qatysýǵa nıet bildirgen áleýetti ónim berýshilerdi tirkeý jýrnalyn júrgizedi, onda áleýetti ónim berýshilerdiń ótinimi bar konvertterdi usynǵan ýaqyty men kúni, áleýetti ónim berýshiniń ýákiletti ókilderiniń (ótinim salynǵan konvertti usynǵan jáne konvertterdi ashý rásimine qatysqan adamnyń) tegi, aty, ákesiniń aty kórsetiledi. Kelip túsken ótinimderdi jáne konvertterdi ashý rásimine qatysýǵa nıet bildirgen áleýetti ónim berýshilerdi tirkeý jýrnaldary tigilgen, betteri nómirlengen, sońǵy paraǵy biryńǵaı dıstrıbıýtordyń mórimen rastalǵan bolýy tıis. 133-18. Komıssııa otyrysy komıssııa músheleriniń jalpy sanynyń keminde úshten ekisi qatysqan jaǵdaıda ótkiziledi. 133-19. Komıssııanyń sheshimi ashyq daýys berýmen qabyldanady jáne eger oǵan qatysqan komıssııa músheleriniń jalpy sanynyń kópshiligi daýys bergen bolsa, qabyldanǵan bolyp sanalady. Daýystar teń bolǵan jaǵdaıda, komıssııa tóraǵasy nemese ol bolmaǵan jaǵdaıda tóraǵanyń orynbasary daýys bergen sheshim qabyldanǵan bolyp sanalady. 133-20. Qajet bolǵan kezde komıssııa krıterııler boıynsha sáıkestigin baǵalaý úshin tıisti salanyń sarap­shy­syn (-laryn) aqysyz negizde tarta alady. Sarapshy (-lar) komıssııa sheshim qabyldaǵan kezde daýys bere almaıdy. 133-21. Sarapshy (-lar) komıssııa qoıǵan suraqtarǵa baǵalaý krıterııleri boıynsha saraptamalyq qorytyndy beredi. 133-22. Saraptama qorytyndysy usynymdyq sıpatta bolady jáne ótinimderdi baǵalaý kezinde eskeriledi, jazbasha túrde resimdeledi, oǵan sarapshy (-lar) qol qoıady jáne komıssııa otyrysynyń hattamasyna qosa beriledi. 133-23. Biryńǵaı dıstrıbıýtor áleýetti ónim berýshilerdiń ótinimderdi berý kúni aıaqtalǵanǵa deıin keminde kúntizbelik 30 (otyz) kún buryn respýblıkalyq merzimdi baspa basylymdarynda jáne (nemese) óziniń ınternet-resýrsynda memlekettik jáne orys tilderinde uzaq merzimdi jetkizý shartyn jasaýǵa konkýrs ótkizetini týraly habarlandyrý ornalastyrady. 133-24. Uzaq merzimdi jetkizý shartyn jasaýǵa konkýrs ótkizetini týraly habarlandyrý mynadaı málimetterdi qamtıdy: 1) biryńǵaı dıstrıbıýtordyń ataýy, mekenjaıy jáne banktik derektemeleri; 2) dárilik zattardyń, medısınalyq maqsattaǵy buıymdardyń halyqaralyq patenttelmegen ataýy nemese quramy jáne olardyń tehnıkalyq sıpattamalary (tehnıkalyq sıpattamalar týraly málimetterdiń kólemi aýqymdy bolǵan kezde biryńǵaı dıstrıbıýtordyń ınternet-resýrsyna ǵana ornalastyrylýy múmkin) kórsetilgen dárilik zattardyń, medısınalyq maqsattaǵy buıymdardyń nomenklatýrasy; 3) uzaq merzimdi jetkizý shartyn jasasý úshin konkýrsqa qatysý úshin ótinimderdi qabyldaýdy aıaqtaý kúni, ýaqyty jáne orny; 4) ótinimderi bar konvertterdi ashý kúni, ýaqyty jáne orny. 133-25. Uzaq merzimdi jetkizý shartyn jasasý úshin konkýrsqa qatysýǵa nıet bildirgen áleýetti ónim berýshi ótinimderdi qabyldaý merzimi aıaqtalǵanǵa deıin biryńǵaı dıstrıbıýtorǵa ótinimdi jabyq túrde usynady. 133-26. Usyný merzimi ótip ketkennen keıin alynǵan, sondaı-aq nómirlenbegen jáne áleýetti ónim berýshiniń mórimen rastalmaǵan ótinim qabyldanbaıdy jáne ony usynǵan áleýetti ónim berýshige keri qaıtarylady. 133-27. Áleýetti ónim berýshi ótinim berý merzimi aıaqtalǵanǵa deıin óz ótinimin ózgerte alady nemese keri qaıtara alady. Áleýetti ónim berýshiniń ótinimdi qaıtarý týraly habarlamasy biryńǵaı dıstrıbıýtorǵa jazbasha túrde jiberilýi, biraq ótinim berýdiń aıaqtalý merziminen keshiktirilmeýi tıis. 133-28. Áleýetti ónim berýshi ótinimdi konvertke salyp jelimdeıdi. Konvertte áleýetti ónim berýshiniń ataýy jáne zańdy mekenjaıy kórsetilýi tıis. Konvert biryńǵaı dıstrıbıýtordyń habarlandyrýda kórsetilgen mekenjaıyna jiberilýi jáne mynadaı: «__________ (tenderdiń ataýy kórsetiledi) satyp alý jónindegi konkýrs» jáne «__________deıin ashýǵa bolmaıdy (habarlandyrýda kórsetilgen konvertterdiń ashylý kúni jáne ýaqyty kórsetiledi)» degen jazýlary bolýy tıis. Áleýetti ónim berýshi ótinimdi túpnusqada jáne kóshirmede bólek tigilgen túrde, betteri nómirlengen, konvertterde túpnusqa jáne kóshirme ekenin, sondaı-aq onyń zańdy jáne naqty mekenjaıyn kórsete otyryp usynady, sońǵy paraǵy onyń mórimen rastalady. 133-29. Uzaq merzimdi jetkizý shartyn jasasý boıynsha konkýrsqa qatysýǵa nıet bildirgen áleýetti ónim berýshiler mynadaı qujattar tizbesine sáıkes ótinim beredi: 1) osy Erejege 13-qosymshanyń nysanyna sáıkes dárilik zattardyń, medısınalyq maqsattaǵy buıymdardyń (lottardyń) ataýyn kórsete otyryp konkýrsqa qatysýǵa ótinim; 2) zańdy tulǵany memlekettik tirkeý (qaıta tirkeý) týraly kýáliktiń notarıat kýálandyrǵan kóshirmesi nemese anyqtama; 3) zańdy tulǵa jarǵysynyń notarıat kýálandyrǵan kóshirmesi (eger, jarǵyda quryltaıshylar, qatysýshylar nemese aksıonerler quramy kórsetilmese, onda aksııa ıeleriniń tiziliminen nemese quryltaıshylar, qatysýshylar quramy týraly úzindi kóshirmeler nemese quryltaı shartynyń notarıat kýálandyrǵan kóshirmesi usynylady); 4) tehnıkalyq-ekonomıkalyq negizdeme jáne/nemese bıznes-jospar (aqparatty mynadaı rettilik boıynsha kórsete otyryp: ınvestısııalyq jobanyń maqsaty, ınvestısııalyq jobanyń operatory jónindegi aqparat; ınvestısııalyq jobany qarjylandyrý quny men kózderi; kommersııalyq bólim; ónimdi ótkizý baǵdarlamasy; tehnıkalyq bólim; tehnologııany sıpattaý; jabdyqtardy sıpattaý; ekologııalyq bólim; qarjy bólimi; áleýmettik-ekonomıkalyq bólim; jobalaý táýekeli, dárilik zattardyń óndirisin qurý jáne/nemese jańǵyrtý boıynsha ınvestısııalyq jobany iske asyrý merzimderi; dárilik zattardy, medısınalyq maqsattaǵy buıymdardy jetkizý kezeńiniń bastalý kúni; dárilik zattardyń, medısınalyq maqsattaǵy buıymdardyń óndirisin qurý boıynsha ınvestısııalyq jobany iske asyrý kezeńderi men jartyjyldyq kestesi; shyǵarylatyn dárilik zattardyń, medısınalyq maqsattaǵy buıymdardyń tizimi; ınfraqurylymy; 5) tıisti salyq organynan salyq beresheginiń jáne mindetti zeınetaqy jarnalary, mindetti kásiptik zeınetaqy jarnalary jáne áleýmettik tólemder boıynsha úsh aıdan artyq beresheginiń joq ekeni týraly (Qazaqstan Respýblıkasynyń zańnamasyna sáıkes tólem merzimi shegerilgen jaǵdaılardy qospaǵanda) ne salyqtyq bereshektiń jáne mindetti zeınetaqy jarnalary, mindetti kásiptik zeınetaqy jarnalary jáne áleýmettik tólemder boıynsha bir teńgeden kem bereshektiń bolýy týraly konkýrs ótkiziletin kúnniń aldyndaǵy bir aıdan keshiktirilmeı berilgen belgilengen nysandaǵy anyqtamanyń túpnusqasy. Kórsetilgen anyqtama qaǵaz jetkizgishte usynylǵan jaǵdaıda, basshynyń qolymen, ony almastyratyn tulǵanyń nemese basshynyń orynbasarynyń qolymen jáne anyqtamany jasaǵan salyq organynyń mórimen rastalady. Kórsetilgen anyqtamany elektrondyq túrde berý kezinde ýákiletti organnyń elektrondy sıfrlyq qoltańbasymen rastalady; 6) áleýetti ónim berýshige qyzmet kórsetetin banktiń nemese bank fılıalynyń osy Erejege 4-qosymshaǵa sáıkes Qazaqstan Respýblıkasynyń Ulttyq Banki basqarmasynyń qaýlysymen bekitilgen ekinshi deńgeıdegi bankterdegi, ıpotekalyq uıymdardaǵy jáne «Qazaqstan Damý Banki» aksıonerlik qoǵamyndaǵy býhgalterlik esepke alý shottarynyń úlgi josparyna sáıkes banktiń nemese bank fılıalynyń aldynda áleýetti ónim berýshiniń mindettemeleriniń barlyq túrleri boıynsha anyqtama berilgen kúnge deıin úsh aıdan artyq merzimnen asatyn beresheginiń joq ekeni týraly anyqtamasynyń túpnusqasy (eger, áleýetti ónim berýshi birneshe ekinshi deńgeıdegi bankterdiń nemese fılıaldardyń, sondaı-aq sheteldik banktiń klıenti bolǵan jaǵdaıda, atalǵan anyqtama ondaı bankterdiń árqaısysynan beriledi). Anyqtama konkýrs ótkiziletin kúnniń aldyndaǵy bir aıdan keıin berilýi tıis. Anyqtamaǵa qol qoıǵan laýazymdy adamnyń ókilettigin rastaıtyn qujattyń bolmaýy ótinimdi keri qaıtarýǵa negiz bola almaıdy. 133-30. Komıssııa ótinimder salynǵan konvertterdi habarlandyrýda kórsetilgen ýaqytta, merzimde jáne orynda ashady. 133-31. Áleýetti ónim berýshiler ne olardyń ýákiletti ókilderi ótinimder salynǵan konvertterdi ashý kezinde qatysýǵa quqyly. 133-32. О́tinimder salynǵan konvertterdi ashý kezinde komıssııa hatshysy qatysyp otyrǵan adamdarǵa konkýrsqa qatysýshy áleýetti ónim berýshilerdiń ataýlaryn jáne mekenjaılaryn, áleýetti ónim berýshilerdiń ótinimderi usynylǵan lottardyń ataýlaryn habarlaıdy jáne kórsetilgen aqparatty ótinimder salynǵan konvertterdi ashý hattamasynda tirkeıdi. 133-33. Komıssııa hatshysy ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organǵa konvertterdi ashý rásiminen keıin úsh jumys kúni ishinde salalyq qorytyndy alý úshin ótinimderdiń kóshirmelerin jiberedi. 133-34. Indýstrııalyq-ınnovasııalyq qyzmetti memlekettik qoldaý salasyndaǵy ýákiletti organ ótinim kóshirmelerin alǵan sátten bastap on jumys kúni ishinde: biryńǵaı dıstrıbıýtorge joba konkýrs komıssııasynyń odan ári qaraýyna usynylady/usynylmaıdy degen salalyq qorytyndyny jiberedi. Salalyq qorytyndy tehnıkalyq-ekonomıkalyq negizdeme jáne/nemese bıznes-jospar negizinde mynadaı krıterııler boıynsha beriledi: jobanyń zerttelý dárejesi, qarjylandyrý kózderi, ınfraqurylymmen jáne jer ýchaskelerimen qamtamasyz etilýi. 133-35. О́tinimderdi baǵalaý kezinde: 1) suraqtar men eskertýler týyndaǵan kezde komıssııa áleýetti ónim berýshilerden ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organnyń salalyq qorytyndysyn alý sátinen bastap bes jumys kúninen keshiktirmeı ótinimde kórsetilgen qujattar boıynsha túsindirýlerdi suratady. Áleýetti ónim berýshi úsh jumys kúni ishinde komıssııaǵa jazbasha túsindirýlerdi usynýy tıis; 2) osy Erejeniń talaptaryna saı kelmeıtin ótinimderdi osy talaptarǵa sáıkes keltirý úshin suratýlarǵa, usynystarǵa nemese tolyqtyrýlarǵa jol berilmeıdi; 3) biryńǵaı dıstrıbıýtor habarlaǵan dárilik zattardyń, medısınalyq maqsattaǵy buıymdardyń ataýlary ǵana eskeriledi. 133-36. Komıssııa ótinimderdi ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organnyń salalyq qorytyndysyn alǵannan keıin kelesi kúnnen bastap on jumys kúni ishinde qaraıdy. 133-37. Dárilik zattardyń, medısınalyq maqsattaǵy buıymdardyń (lottardyń) ataýlary boıynsha usynylǵan osy taraýdyń talaptaryna sáıkes keri qaıtarylmaǵan eki ótinimnen artyq (lotta básekelestik orta bolǵan jaǵdaıda) ótinimdi komıssııa baldyq júıemen baǵalaıdy. 133-38. Áleýetti ónim berýshilerdiń ótinimine mynadaı baǵalaý krıterııleri (baldyq júıe) qoldanylady: 1) ınvestısııalyq jobany iske asyrýdyń ornyn tolyq toltyratyn qarjy quraldarynyń bolýy týraly rastaý: ınvestısııalyq jobany iske asyrýdyń ornyn tolyq toltyratyn menshikti qarjy quraldary (banktiń anyqtamasy) – 2 ball, nemese ınvestısııalyq jobany iske asyrýdyń ornyn tolyq toltyrýǵa tartylatyn qarjy quraldary (bank anyqtamasy, qaryz týraly shart, kredıttik lımıt berý týraly shart) – 1 ball; 2) tıisti mamandardy tartý týraly rastaý (óndiris jańǵyrtylǵan jaǵdaıda mamandyǵy boıynsha keminde 5 jyl jumys tájirıbesi bar farmasevtıkalyq óndiris mamandary) – 2 ball; 3) tehnıkalyq-ekonomıkalyq negizdemege jáne/nemese bıznes-josparǵa sáıkes dárilik zattardy, medısınalyq maqsattaǵy buıymdardy óndirý úshin tehnologııalyq jabdyqtyń bolýy týraly rastaý (tehnologııalyq jabdyqtardy menshik quqyǵyna satyp alýdy/ satyp alý týraly nıetin rastaıtyn qujat) – 1 ball; 4) ınvestısııalyq jobada kórsetilgen dárilik zattardyń, medısınalyq maqsattaǵy buıymdardyń óndirisin qurý úshin paıdalanylatyn tıisti úı-jaıdyń bolýy týraly rastaý: menshik quqyǵyndaǵy úı-jaı (úı-jaıǵa menshik quqyǵyn rastaıtyn qujat) – 2 ball, nemese jalǵa, senimgerlik basqarýǵa, ýaqytsha paıdalanýǵa alynǵan úı-jaı (jalǵa, senimgerlik basqarýǵa, ýaqytsha paıdalanýǵa alý týraly shart/kelisim) – 1 ball; 5) dárilik zattardyń, medısınalyq maqsattaǵy buıymdardyń óndirisin qurý úshin paıdalanylatyn jer ýchaskesiniń bolýy týraly rastaý: dárilik zattardyń, medısınalyq maqsattaǵy buıymdardyń óndirisin qurý úshin paıdalanylatyn menshiktegi jer ýchaskesi (tıisti ınvestısııalyq jobaǵa sáıkes keletin nysanaly maqsaty kórsetilgen jer ýchaskesiniń aktisi) – 2 ball, nemese dárilik zattardyń, medısınalyq maqsattaǵy buıymdardyń óndirisin qurý úshin paıdalanylatyn jalǵa, senimgerlikpen basqarýǵa, ýaqytsha jer paıdalanýǵa alynǵan jer ýchaskesi (tıisti ınvestısııalyq jobaǵa sáıkes keletin nysanaly maqsaty kórsetilgen jer ýchaskesiniń aktisi) – 1 ball; 6) qurylysyn salý jaǵdaıynda jobalaý-smetalyq qujattamasyna memlekettik saraptama qorytyndysynyń bolýy – 2 ball; 7) qurylys-montajdaý jumystaryn júzege asyrýǵa lısenzııalardyń kóshirmelerin usyna otyryp, qurylys-montajdaý jumystaryna sharttyń bolýy – 1 ball; 8) ınvestısııalyq jobany usynǵan áleýetti ónim berýshige: jańǵyrtýǵa (dári túrleri, dozalar bólinisinde osy óndiris úshin jańa dárilik zattar óndirisi) – 1 ball, nemese jańa qurylysqa – 2 ball, nemese jumys isteıtin farmasevtıkalyq óndiris bazasyndaǵy jańa qurylysqa – 2 ball beriledi; 9) Qazaqstan Respýblıkasynda óndiriletin dárilik zattardy, medısınalyq maqsattaǵy buıymdardy TMD elderine jetkizýge kelisimsharttar usynǵan áleýetti ónim berýshige – 1 ball beriledi; 10) áleýetti ónim berýshige óndiris sıkly boıynsha mynadaı baldar beriledi: tolyqtaı Qazaqstanda shyǵarylǵan dárilik zattar, medısınalyq maqsattaǵy buıymdar óndirisine (Qazaqstan Respýblıkasynyń aýmaǵynda shyǵarylatyn ónimderden ǵana turatyn Qazaqstanda óndiriletin dárilik zattar, medısınalyq maqsattaǵy buıymdar) – 3 ball, nemese jetkilikti óńdeý krıterıılerine sáıkes dárilik zattarǵa, medısınalyq maqsattaǵy buıymdarǵa ózine tán qasıet berý úshin sýbstansııalardy/shıkizatty óńdeý jolymen dárilik zattar, medısınalyq maqsattaǵy buıymdar óndirisine – 2 ball, nemese qaıta qaptalǵan ónimi/qaptalǵan daıyn ónim «in-bulk»-ty qosa alǵanda óndirisine – 1 ball. «ST-KZ» ishki aınalymy úshin taýardyń shyǵarylǵan jeri týraly sertıfıkaty bar dárilik zattar/medısınalyq maqsattaǵy buıymdar osy tarmaq boıynsha jalpy negizde, óndiristik sıklǵa sáıkes baǵalanady. О́ndiris sıkly boıynsha qorytyndy ball mynadaı formýla boıynsha ortasha arıfmetıkalyq mándi aıqyndaý jolymen aıqyndalady (osy tarmaqshaǵa ǵana qoldanylady): B=(N1+N2+Nn)/R B – óndiris sıkly boıynsha qorytyndy ball; N – tıisti lot úshin ball; R – konkýrs komıssııasy qabyldaǵan lot sany. Ball alý úshin áleýetti ónim berýshi osy Erejege 14-qosymshaǵa sáıkes aqparatty usynady. 133-39. Ball alý úshin barlyq qujattar túpnusqada nemese notarıat rastaǵan kóshirmelerde beriledi. 133-40. Osy taraýda kózdelgen árbir krıterıı boıynsha baldardy qosý arqyly eń kóp ball jınaǵan áleýetti ónim berýshi jeńimpaz dep tanylady. 133-41. Jarııalanǵan nomenklatýradan qalǵan dárilik zattardyń, medısınalyq maqsattaǵy buıymdardyń ataýlary (lottary), baldarynyń kemýi boıynsha tıisinshe, keıingi oryn alǵan áleýetti ónim berýshiler arasynda bólinedi. 133-42. Baldar teń bolǵan jaǵdaıda, komıssııa jeńimpazdy eń joǵary shartty baǵalyq jeńildik boıynsha aıqyndaıdy. 133-43. О́tinimderdi qaraý qorytyndylary boıynsha baǵalaý hattamasy jasalady, oǵan qatysýshy komıssııa músheleri qol qoıady jáne ol mynadaı aqparatty qamtıdy: 1) ındýstrııalyq-ınnovasııalyq qyzmetti memlekettik qoldaý salasyndaǵy ýákiletti organ ınvestısııalyq jobalaryn iske asyrýǵa oryndy nemese orynsyz dep tanylǵan áleýetti ónim berýshiler týraly; 2) uzaq merzimdi jetkizý shartyn jasaýǵa jatatyn áleýetti ónim berýshiler týraly, olardyń nomenklatýrasymen; 3) eń joǵary baǵa jeńildigin aıqyndaý rásimine jiberilgen áleýetti ónim berýshiler týraly (baldar teń bolǵan jaǵdaıda), sondaı-aq áleýetti ónim berýshilerden eń joǵary shartty baǵalyq jeńildikti qabyldaý kúni, ýaqyty jáne orny týraly. 133-44. Tıisti oryndar alǵan áleýetti ónim berýshiler týraly olardyń lottary kórsetilgen aqparat, eń joǵary baǵa jeńildigin aıqyndaý rásimine jiberilgen áleýetti ónim berýshiler týraly (baldar teń bolǵan jaǵdaıda), sondaı-aq eń joǵary baǵa jeńildigin aıqyndaý rásimine jiberilgen áleýetti ónim berýshiler týraly aqparat biryńǵaı dıstrıbıýtordyń ınternet-resýrsynda baǵalaý hattamasyna qol qoıylǵan sátten bastap úsh jumys kúni ishinde jarııalanady. 133-45. Áleýetti ónim berýshiler jazbasha túrde konkýrsqa odan ári qatysýdan bas tarta alady. 133-46. Eń joǵary shartty baǵalyq jeńildikti aıqyndaý rásimi baǵalaý hattamasynda kórsetilgen ýaqyty, kúni jáne orny boıynsha ótkiziledi. Áleýetti ónim berýshi baǵalyq jeńildikti berýge ýákiletti adamnyń qatysýyn qamtamasyz etedi. 133-47. Áleýetti ónim berýshiniń bastapqy baǵalyq jeńildigi áleýetti ónim berýshiniń mórimen rastalǵan jáne birinshi basshynyń nemese osyndaı shartty baǵalyq jeńildikke qol qoıýǵa ókilettigi bar adamnyń qoly qoıylǵan lot boıynsha shartty baǵalyq jeńildikti kórsete otyryp, jazbasha túrde usynylady. Shartty baǵalyq jeńildiktiń eń tómengi qadamy 1 %-dy (bir paıyz) quraıdy. 133-48. Qandaı da bir lot boıynsha áleýetti ónim berýshi bastapqy baǵa jeńildigin usynbaǵan jaǵdaıda, áleýetti ónim berýshi osy lot boıynsha túpkilikti baǵa jeńildigin usyný múmkindiginen aıyrylady jáne tıisti lot boıynsha eń joǵary shartty baǵalyq jeńildikti aıqyndaý rásimine qatysýdan shettetiledi. 133-49. Eger tıisti lot boıynsha eń joǵary shartty baǵalyq jeńildikti aıqyndaý rásimine qatysýdan shettetilý nátıjesinde bir ǵana áleýetti ónim berýshi qalsa, sońǵysy jeńimpaz dep tanylady. 133-50. Komıssııa hatshysy áleýetti ónim berýshiler usynǵan barlyq shartty baǵalyq jeńildikter, onyń ishinde lot boıynsha barynsha kóp shartty baǵalyq jeńildikti jarııalaıdy jáne olarǵa bastapqy shartty baǵalyq jeńildikti tómendetýge usynys jasaıdy. 133-51. Túpkilikti shartty baǵalyq jeńildikterdi qabyldaý ýaqyty komıssııa h