Oralda Keden odaǵyna múshe memleketterdiń kedenshileri bas qosty

ASTANA. 12 shilde. Keden odaǵyna qatysýshy elderdegi keden qyzmeti birlesken alqasy janyndaǵy jumys tobynyń sarapshylary Oral qalasynda kezdesti. Bul týraly i-news.kz habarlady. Basqosýda Eýrazııalyq ekonomıkalyq odaqtyń Kedendik kodeksin ázirleý kezinde táýekelderdi basqarý júıesi talqylandy. Budan bólek, jıynǵa qatysýshylar atalmysh ekonomıkalyq qurylym aýmaǵynda taýarlardy tasymaldaý kezindegi zań buzýshylyqtarmen kúresý sharalaryn bir izge túsirý jáne kepildik tetikterin damytý joldaryn qarastyrdy. Bıyl Qazaqstan men Keden odaǵyna múshe elder arasyndaǵy taýar aınalymynyń kólemi 24 mıllıard dollarǵa jetken. Bul salada eksporttyq taýarlardyń úlesi kóbeıe túsken. Esterińizge sala keteıik, 2011 jyldyń 1 shildesinen bastap Qazaqstan, Belarýs jáne Reseı Federasııasy arasynda Kedendik kodeks engizilgen bolatyn. Joldybaı Bazar. Derekkóz: i-news.kz. Foto: i-news.kz.