Bıyl jaıly demalysty uıymdastyrý úshin Abaı oblysynyń ákimdigi jol kartasyn ázirledi. Oǵan 40-qa jýyq shara endi. Kelýshilerdi kóptegen jańalyqtar kútip tur. Bul týraly oblys ákiminiń birinshi orynbasary Aıdyn Kárimov aıtyp berdi.
Aıta keteıik, Astanadan Úrjarǵa birinshi bolyp QazaqAir áýekompanııasynyń ushaǵy ushqan bolatyn.
Sondaı-aq Abaı oblysynda jazǵy kezeńde Alakól kóline jolaýshylar tasymaly qarastyrylyp jatyr.
Qazir Úrjar aýdanynyń Alakól kóliniń jaǵalaýynda sý burý kanalyn salý úshin jer qurǵatý jumystary qarqyndy túrde júrgizilýde.
Kól jaǵalaýyn elektrmen jabdyqtaý máselesi de sheshilip jatyr. Saraptama qorytyndysy alyndy. Jobalar jaqyn arada iske asyrylady.
Jazǵy kezeńde Alakól kóline 4 jolaýshylar avtobýsy qatynaıdy. Sondaı-aq «Semeı-Jalańashkól» stansııasy temirjol marshrýtyna qyzmet kórsetýge tender ótkizildi. Onyń jeńimpazy - «Jolaýshylar tasymaly» AQ. Bıyl quramyna 5 vagon engen poıyz aptasyna 3 ret qatynaıdy.
