Búginde Sıngapýrdyń segizinshi prezıdenti Halıma Iаkob prezıdent laýazymyn atqarǵan alǵashqy musylman áıel. 2017 jyly alǵash ret hıdjab kıgen áıel Sıngapýr memleketiniń prezıdenti boldy. 2001 jyly saıasatqa aralasyp, 10 jyldan keıin Jastar jáne sport mınıstrligin basqardy. Halıma Iаkob 63 jasynda saılaýǵa qatysyp, odan ózge úmitkerler talapqa saı kelmegen soń avtomatty túrde prezıdent bolyp saılanady.
Sıngapýr prezıdenti qyzmetin atqarǵan alǵashqy musylman áıel ári bes balanyń anasy. Halıma qyzdarǵa arnalǵan mektep-ınternatynda oqyǵan. Ol zaıyrly ustanymdy qoldaıdy. Ol keń iskerlik kostıýmder kıedi, jeńil makııajdy, zergerlik buıymdardy jaqsy kóredi, sonymen qatar dástúrli hıdjabty da umytpaıdy. Halıma áıelder quqyǵyn qorǵap, únemi «Club Heal» psıhıkalyq densaýlyq qoǵamyn qoldap otyrady. Sondaı-aq qaıyrymdylyqpen de aınalysady.
Halıma Iаkob 47 jyl ishinde Sıngapýrdy basqarǵan tuńǵysh áıel ǵana emes, Malaı týmasynan shyqqan tuńǵysh prezıdent boldy. Sıngapýrdyń burynǵy Malaı prezıdenti 1966-1970 jyldary táýelsizdiktiń tańynda eldi basqarǵan Iýsýf ben Ishak bolǵan. Osydan keıin bul laýazymdy negizinen etnıkalyq qytaılar men úndiler atqardy.
Kópshilik barǵysy keletin elder tiziminde Sıngapýr kósh bastap tur. Eldiń bilim berý júıesi, ekologııaǵa, el azamattarynyń qaýipsizdigine degen qamqorlyǵy tańǵaldyrmaı qoımaıdy.
Erlan KIIKBAI,
EUÝ, stýdenti
