Jolaýshylardyń jaǵdaıyn oılaǵan «Qazaqstan temir joly» UK» AQ-tyń enshiles kásiporyny – «Jolaýshylar tasymaly» AQ óziniń 2010-2020 jyldarǵa arnalǵan poıyzdardy kezeń-kezeńmen tolyq jańartý baǵdarlamasyn júzege asyrýdy yjdaǵattylyqpen jalǵastyryp keledi. Onyń aıqyn bir dáleli, osy aptanyń ekinshi kúni jolǵa túsken Astana – Máskeý jańarǵan poıyzy.
Sýdaı jańa 11 vagon tirkelgen jolaýshylar quramy tańǵy saǵat 7:30-da 48 saǵattyq sapar shegýshilerdi poıyzǵa shaqyryp, 8 saǵat 10 mınýtta Máskeýdi betke alyp júrip ketti.
Poıyzdaǵy ornyna erte bastan kelip jaıǵasqan jolaýshylardy sózge tartyp, jańa vagondardaǵy jaǵdaı men qolaılylyq jóninde suradyq. Bári de bir aýyzdan rıza kóńilderin bildirip jatyr. «О́mirlik joldasym ekeýmiz, buıyrtsa bıyl 60 jasqa tolǵaly otyrmyz. Negizi otaǵasy Tashkenttiń temirjol ınstıtýtyn támamdaǵan. Sol stýdent kezinde Ýfa qalasynda eńbek tájirıbesinen ótken. Endi jastyq shaǵymyzdy eske alaıyq jáne myna nemeremizge baýyrlas Bashqurtstan eliniń astanasyn kórsete keleıik dep jolǵa shyqtyq. Al jańarǵan poıyz týraly aıtarym, bul bizge anaý aıtqandaı tańsyq bolmaı tur. Sebebi, keshe ǵana Atyrýdan elordaǵa dál osyndaı sý jańa vagonda keldik. Tamasha. Aıtyp taýysýǵa sóz jetpeıdi. Shamaly dybys pen keıde sál ǵana shaıqalǵany bolmasa, jolaýshyǵa kerektiń bári bar. Bılettiń baǵasy da kórsetilip otyrǵan qyzmetke ábden laıyq deýge aýzym barady. Áıtkenmen, Reseıden keri qaraı bılet alǵanda baǵa kóterińki eken. Biz elge qaraı Máskeý – Tashkent poıyzyna alǵan edik. Baǵasynyń jolaýshylarǵa kórsetiler qyzmetke qanshalyqty laıyqty ekenin sapardan oralǵan soń aıtarmyz», dedi Atyraý ýnıversıtetiniń ustazy Záýresh Qurmashova.
Jańaryp, uzaq jolǵa túskeli turǵan poıyzǵa sát-sapar tileýge salanyń birqatar mamandaryn ilestirgen Ermek Tólegenov te kelipti. «Buıyrtsa osy jyldyń sońyna deıin 301 jańa vagon alyp, jolaýshylar qyzmetine usynamyz. Al dál qazir Astana – Býrabaı arasynda 3, Astana –Qaraǵandy arasynda jańarǵan 2 elektrpoıyz júr. Olardyń qyzmeti jolaýshylardy tolyq qanaǵattandyryp jatyr. Oǵan qosa, osyndaı 52 jolaýshy vagonyn alýdy bıylǵa josparlaǵanbyz. Búgingi tańda onyń 24-i ákelinip, jańartylar quramdarǵa tirkelip tur. Endi aldaǵy tamyz aıynyń sońyna deıin Máskeýge qatynaıtyn 3 jolaýshylar quramyn tolyǵymen jańartý josparda bar.
Bularmen birge, bıyl taǵy tórt baǵytqa jańarǵan, jyldamdyǵy joǵary tórt poıyz jiberemiz dep otyrmyz. Olar: Almaty – Zashıta, Almaty – Aqtóbe jáne Astana – Qyzylorda men Astana – Zashıta jyljymaly quramdary. Myna jańa poıyzǵa qaıta oralsam, munda jolaýshylarǵa múmkindiginshe jaǵdaı qarastyrylǵan. Ár kýpe men plaskard vagondarda da aýa baptaǵyshtar men televızorlar bar. Sondaı-aq, bul vagondardyń qyzmet kórsetý merzimi burynǵylarǵa qaraǵanda áldeqaıda uzaq. Naqty aıtqanda, 40 jyl boıy úzilissiz qyzmet isteýine «Tver vagonqurylysy zaýyty» AAQ-tyń bergen kepildigi bar. Búginde olardyń arnaıy mamandary kelip, jańa poıyzdy bizben birge shyǵaryp sala turyp, óz jumystarynyń nátıjesin baqylap ta júr. Salada jasalyp jatqan basqa ıgilikter de el nazarynda. Al jańaryp, alys jolǵa shyqqaly otyrǵan myna poıyz ben jolaýshylaryna aq jol tilep, «sapar sátti bolsyn delik», dedi aksıonerlik qoǵam prezıdenti.
Rasynda, barlyq vagondar zamanaýı aýa baptaý júıesimen, «Júgirtpe jol» aqparattyq taqtasymen, beınemonıtorlarmen, beıne-baqylaý júıesimen jabdyqtalǵan, shtab vagonynda avtomatty kóterý qurylǵysy, múmkindigi shekteýli azamattarǵa arnalǵan arnaıy kýpe bar eken. Jańa korporatıvtik talaptarǵa sáıkes vagondardy qyzmet kórsetý jabdyqtarymen qamtý jumystary aıasynda poıyz quramy jańa tósek jabdyqtarymen, matrastarmen, jastyqtar, jamylǵyshtarmen, ydys-aıaqtarmen, jolaýshylar úshin kórneki aqparattarmen qamtylypty. Vagondy aralap kórgende kıim útikteıtin oryn men jolaýshylarǵa jasalǵan qolaılylyqtar kóz tartady.
Jolaýshylardyń janyn jadyratyp, kóńilin gúldendirgen poıyzdy tamashalaı júrip, onyń basshysymen de tanystyq. «Jan qalaýymyzdy dóp basyp, tilegimizdi oryndaǵan ulttyq kompanııanyń jetekshilerine alǵysymyz mol. Poıyzymyzdyń jańarýyna jaǵdaı jasap, jurttyń qamyn oılaǵan basshylarǵa jolaýshylardyń da aıtar alǵysy mol bolar. Sebebi, men óz kýpemde otyryp-aq búkil poıyz quramyn monıtordan baqylaımyn. Al jolserikter óz vagonyn nazardan bir sátke de tasa qaldyrmaıdy. Olar da monıtorly baqylaýdyń ıgiligin tolyq paıdalanady. Al jolaýshylarǵa jaıly oryn, jańa da jumsaq tósek. Zerikse teledıdar tamashalap, ystyqtasa aýa baptaǵyshty iske qosady. Jany qalasa, dýshqa shomylyp, boı sergitýine de jaǵdaı jasalǵan.
Jańa prezıdentimiz aýa baptaǵyshtar jóninde aıtyp ótti. Oǵan qosarym, vagonda avtomatty túrde bir qalypty klımat saqtalyp turady. Sondaı-aq, jolserikter ózara erkin baılanysýyna, solarmen birge men de qalaǵan vagonymnyń nómirin terip, kerekti tapsyrma berýime múmkindik týdyrylǵan. Osy jaıly vagondar ákelingende Astanaǵa Tverdiń vagonshylary kelip, bizge birqatar dárister oqydy. Biliktiligimizdi arttyrdyq. Vagondaǵy elektrondy aqparatpen jumys isteýdi, jolaýshylarǵa jańasha qyzmet kórsetý úlgilerin meńgerdik. Endi ózim de, qaramaǵymdaǵy quram qyzmetkerleri de halyqaralyq poıyzda elimizdi uıaltpaımyz dep oılaımyn. Zamanaýı úlgide jabdyqtalǵan poıyzdardyń sany elimizde budan da kóbeıip, el mereıi tası bersin», dedi jap-jańa vagondar tirkelgen poıyzdyń bastyǵy Gúlmıra Mardenova.
Astanadan Máskeýge attanǵan poıyz aptanyń sońǵy kúni, jeksenbide elordaǵa qaıta oralady.
Nurbaı ELMURATOV,
«Egemen Qazaqstan».
Sýdaı jańa 11 vagon tirkelgen jolaýshylar quramy tańǵy saǵat 7:30-da 48 saǵattyq sapar shegýshilerdi poıyzǵa shaqyryp, 8 saǵat 10 mınýtta Máskeýdi betke alyp júrip ketti.
Poıyzdaǵy ornyna erte bastan kelip jaıǵasqan jolaýshylardy sózge tartyp, jańa vagondardaǵy jaǵdaı men qolaılylyq jóninde suradyq. Bári de bir aýyzdan rıza kóńilderin bildirip jatyr. «О́mirlik joldasym ekeýmiz, buıyrtsa bıyl 60 jasqa tolǵaly otyrmyz. Negizi otaǵasy Tashkenttiń temirjol ınstıtýtyn támamdaǵan. Sol stýdent kezinde Ýfa qalasynda eńbek tájirıbesinen ótken. Endi jastyq shaǵymyzdy eske alaıyq jáne myna nemeremizge baýyrlas Bashqurtstan eliniń astanasyn kórsete keleıik dep jolǵa shyqtyq. Al jańarǵan poıyz týraly aıtarym, bul bizge anaý aıtqandaı tańsyq bolmaı tur. Sebebi, keshe ǵana Atyrýdan elordaǵa dál osyndaı sý jańa vagonda keldik. Tamasha. Aıtyp taýysýǵa sóz jetpeıdi. Shamaly dybys pen keıde sál ǵana shaıqalǵany bolmasa, jolaýshyǵa kerektiń bári bar. Bılettiń baǵasy da kórsetilip otyrǵan qyzmetke ábden laıyq deýge aýzym barady. Áıtkenmen, Reseıden keri qaraı bılet alǵanda baǵa kóterińki eken. Biz elge qaraı Máskeý – Tashkent poıyzyna alǵan edik. Baǵasynyń jolaýshylarǵa kórsetiler qyzmetke qanshalyqty laıyqty ekenin sapardan oralǵan soń aıtarmyz», dedi Atyraý ýnıversıtetiniń ustazy Záýresh Qurmashova.
Jańaryp, uzaq jolǵa túskeli turǵan poıyzǵa sát-sapar tileýge salanyń birqatar mamandaryn ilestirgen Ermek Tólegenov te kelipti. «Buıyrtsa osy jyldyń sońyna deıin 301 jańa vagon alyp, jolaýshylar qyzmetine usynamyz. Al dál qazir Astana – Býrabaı arasynda 3, Astana –Qaraǵandy arasynda jańarǵan 2 elektrpoıyz júr. Olardyń qyzmeti jolaýshylardy tolyq qanaǵattandyryp jatyr. Oǵan qosa, osyndaı 52 jolaýshy vagonyn alýdy bıylǵa josparlaǵanbyz. Búgingi tańda onyń 24-i ákelinip, jańartylar quramdarǵa tirkelip tur. Endi aldaǵy tamyz aıynyń sońyna deıin Máskeýge qatynaıtyn 3 jolaýshylar quramyn tolyǵymen jańartý josparda bar.
Bularmen birge, bıyl taǵy tórt baǵytqa jańarǵan, jyldamdyǵy joǵary tórt poıyz jiberemiz dep otyrmyz. Olar: Almaty – Zashıta, Almaty – Aqtóbe jáne Astana – Qyzylorda men Astana – Zashıta jyljymaly quramdary. Myna jańa poıyzǵa qaıta oralsam, munda jolaýshylarǵa múmkindiginshe jaǵdaı qarastyrylǵan. Ár kýpe men plaskard vagondarda da aýa baptaǵyshtar men televızorlar bar. Sondaı-aq, bul vagondardyń qyzmet kórsetý merzimi burynǵylarǵa qaraǵanda áldeqaıda uzaq. Naqty aıtqanda, 40 jyl boıy úzilissiz qyzmet isteýine «Tver vagonqurylysy zaýyty» AAQ-tyń bergen kepildigi bar. Búginde olardyń arnaıy mamandary kelip, jańa poıyzdy bizben birge shyǵaryp sala turyp, óz jumystarynyń nátıjesin baqylap ta júr. Salada jasalyp jatqan basqa ıgilikter de el nazarynda. Al jańaryp, alys jolǵa shyqqaly otyrǵan myna poıyz ben jolaýshylaryna aq jol tilep, «sapar sátti bolsyn delik», dedi aksıonerlik qoǵam prezıdenti.
Rasynda, barlyq vagondar zamanaýı aýa baptaý júıesimen, «Júgirtpe jol» aqparattyq taqtasymen, beınemonıtorlarmen, beıne-baqylaý júıesimen jabdyqtalǵan, shtab vagonynda avtomatty kóterý qurylǵysy, múmkindigi shekteýli azamattarǵa arnalǵan arnaıy kýpe bar eken. Jańa korporatıvtik talaptarǵa sáıkes vagondardy qyzmet kórsetý jabdyqtarymen qamtý jumystary aıasynda poıyz quramy jańa tósek jabdyqtarymen, matrastarmen, jastyqtar, jamylǵyshtarmen, ydys-aıaqtarmen, jolaýshylar úshin kórneki aqparattarmen qamtylypty. Vagondy aralap kórgende kıim útikteıtin oryn men jolaýshylarǵa jasalǵan qolaılylyqtar kóz tartady.
Jolaýshylardyń janyn jadyratyp, kóńilin gúldendirgen poıyzdy tamashalaı júrip, onyń basshysymen de tanystyq. «Jan qalaýymyzdy dóp basyp, tilegimizdi oryndaǵan ulttyq kompanııanyń jetekshilerine alǵysymyz mol. Poıyzymyzdyń jańarýyna jaǵdaı jasap, jurttyń qamyn oılaǵan basshylarǵa jolaýshylardyń da aıtar alǵysy mol bolar. Sebebi, men óz kýpemde otyryp-aq búkil poıyz quramyn monıtordan baqylaımyn. Al jolserikter óz vagonyn nazardan bir sátke de tasa qaldyrmaıdy. Olar da monıtorly baqylaýdyń ıgiligin tolyq paıdalanady. Al jolaýshylarǵa jaıly oryn, jańa da jumsaq tósek. Zerikse teledıdar tamashalap, ystyqtasa aýa baptaǵyshty iske qosady. Jany qalasa, dýshqa shomylyp, boı sergitýine de jaǵdaı jasalǵan.
Jańa prezıdentimiz aýa baptaǵyshtar jóninde aıtyp ótti. Oǵan qosarym, vagonda avtomatty túrde bir qalypty klımat saqtalyp turady. Sondaı-aq, jolserikter ózara erkin baılanysýyna, solarmen birge men de qalaǵan vagonymnyń nómirin terip, kerekti tapsyrma berýime múmkindik týdyrylǵan. Osy jaıly vagondar ákelingende Astanaǵa Tverdiń vagonshylary kelip, bizge birqatar dárister oqydy. Biliktiligimizdi arttyrdyq. Vagondaǵy elektrondy aqparatpen jumys isteýdi, jolaýshylarǵa jańasha qyzmet kórsetý úlgilerin meńgerdik. Endi ózim de, qaramaǵymdaǵy quram qyzmetkerleri de halyqaralyq poıyzda elimizdi uıaltpaımyz dep oılaımyn. Zamanaýı úlgide jabdyqtalǵan poıyzdardyń sany elimizde budan da kóbeıip, el mereıi tası bersin», dedi jap-jańa vagondar tirkelgen poıyzdyń bastyǵy Gúlmıra Mardenova.
Astanadan Máskeýge attanǵan poıyz aptanyń sońǵy kúni, jeksenbide elordaǵa qaıta oralady.
Nurbaı ELMURATOV,
«Egemen Qazaqstan».
