Izdenis izi

Sóz etkeli otyrǵan keıipkerimiz kezinde eńbek jolyn aýyl sharýa­shylyǵy keńsharynda mashına-traktor sheberhanasynda jumys­shy bolýdan bastap, Eńbek Qyzyl Tý ordendi Almaty zootehnıkalyq-mal dárigerlik ınstıtýtyn úzdik dıplommen aıaqtaǵan jan. Sodan keıin Jezqazǵan oblystyq aýyl sha­rýa­shylyǵy tájirıbe stansasynda aǵa ǵylymı qyzmetker, bólim basshysy, Qazaq mal sharýa­­­shylyǵy tehnologııalyq ǵyly­mı-zertteý ınstıtýtynyń aspı­ranty, Jezqazǵan oblystyq aýyl sharýashylyǵy basqarmasy bólim bastyǵy boldy. Oblystyq mal tu­qym­daryn asyldandyrý bir­les­tigi basqarma tóraǵasy, ob­lys­­­tyq aýylsharýashylyǵy táji­­rıbe stansasy dırektory, Qara­­ǵandy oblysy Shet aýdany ákimi qyz­metterin atqardy. Ol – bas gazeti­­mizde mal sharýashylyǵy sala­­syn órkendetýde ózekti maqa­lalarymen oqyrmandar naza­ryna ilikken Kákimjan Ah­med­januly Sarhanov. Kákim­jan Ahmedjanuly sońǵy jyl­dary ǵylymı jumystarǵa bet buryp, Aýyl sharýashylyǵy mınıstrliginiń respýblıkalyq mal tuqymdaryn asyldandyrý ortalyǵy, «Asyl túlik» aksıo­nerlik qoǵamynda ǵylymı bólim­ge basshylyq jasaı júrip, aǵym­daǵy jyldyń 30 mamyrynda Qyrǵyz ulttyq agrarlyq ýnıver­sıtetiniń dıssertasııalyq keńesin­de «Ortalyq Qazaqstanda mal sharýashylyǵy ónimdiligin art­ty­rý­dyń ǵylymı-tájirıbelik ne­giz­demesi» atty taqyrypta dok­­tor­­­lyq dıssertasııa qorǵady. О́ki­n­ishke qaraı, búginde, ǵylymı ataq­tardyń qoǵamda bálendeı baǵa­lana qoımaıtyndyǵyn da aıt­pasqa bolmaıdy. Bul oraıda, Elbasy­myzdyń sońǵy jyldarda elimizde dıssertasııalyq keńester sanynyń eselep artýynan, ǵylymı ataq ıelerimen ǵylymı eńbekter sapasynyń tómendep ketkendigi týraly aıtqan syny áli umytyla qoıǵan joq. Kezinde Kákimjan Ahmedjan­uly da bul másele boıynsha óz oı-pikirin «Egemen Qazaqstan» gazetinde (16.02.2011 j.) «Bilim sapasy jaqsarsa, ǵylym sapasy da jaqsarady» atty maqala arqyly bildirgen bolatyn. Sondyqtan da, atalyp otyrǵan ǵylymı eńbek­tiń basqalardan aıtarlyqtaı erekshe­likterin atap ótkimiz keledi. Birinshiden, dıssertasııa taqy­ry­bynyń ádettegideı bir ǵana mal túri boıynsha zertteýlermen shektelmeı, elimizdiń keń-baıtaq Ortalyq Qazaqstan óńirinde negizgi degen aýyl sharýashylyǵy mal túrlerin tolyqtaı qamtýy, mal bastary ónimdiligin arttyrýda seleksııalyq tásildermen qosa sharýashylyq júrgizý, memlekettik retteý, ınnovasııalyq qoldaý jáne aýyldaǵy jumyssyzdyq máse­lelerimen baılanystyryla zert­telýi bul ǵylymı-tájirıbelik jumysqa tyń jańalyqtar ákelgen. Sondaı-aq, eńbek avtory da dıs­sertasııalyq keńeste qyrǵyz ǵalym­darynyń TMD elderinde mundaı taqyrypta keń kólemde, naryqtyq júıe erekshelikterin de qamtyǵan tuńǵysh ǵylymı eńbek dep baǵalap, biraýyzdan qoldaǵanyn ómirdegi qýanyshtarynyń erekshe bir sáti bolǵanyn jasyrmaıdy. Ekinshiden, búginde ǵylymı ataqtar, kóbine ǵylymı saladan góri, memlekettik qyzmette qosym­sha bedel jınaıtyn dáreje retinde paıdalanylatyndyǵy da jasyryn emes. Bul turǵyda atalǵan ǵylymı eńbek ıesiniń zeınetkerlik jasta, ǵylym kandıdaty atanǵannan 30 jyl ótkende qajymaı-talmaı maman­­dyǵy boıynsha doktorlyq dıs­sertasııa qorǵaýy ǵylymǵa shy­na­ıy berilgendiginiń belgisi bolsa kerek. Sóz sońynda, Kákimjan Ahmed­jan­ulyna ǵylymı ataǵyńyz qutty bolyp, eńbegińizdiń jemisin kóre berińiz demekpiz. Seıfolla ShAIYNǴAZY, «Egemen Qazaqstan».