Áýe qatynasy ashylady

2020 jylǵa  deıingi kezeńge arnalǵan  memlekettik baǵdarlama aıasynda  elimizde 11 eldi mekenge jergilikti áýe qatynasyn ashý josparlansa, onyń ıgiligin  oblys ortalyǵynan alys jatqan Ýálıhanov aýdanynyń turǵyndary  kóretin bolady.  Bul maqsat úshin  respýblıkalyq qazynadan 200 mıllıon teńgege jýyq qarjy  bólinip,  Petropavl–Kishkenekól baǵytyndaǵy áýe qatynasyn jańǵyrtýdyń jobasyn  júzege asyrý qoldaý tapty.  Kólik  júıesi ınfraqurylymyn damytýdyń  memlekettik baǵdarlamasyna jaýaptylardyń sózine qaraǵanda,  birinshi kezekte Jasqaırat, Qýlykól, Qaratal sekildi qoǵamdyq kóliktiń qatynaýy óte qıyn túkpirdegi aýyldardyń turyndarynyń júrip-turýy jeńildeıdi. Sol sııaqty kórshiles  aýdandar jurtshylyǵy da onyń qyzmetin kóre alady. Qazir 12 oryndy ushaqtar qatynaıtyn  aerodrom qurylysy úshin jer telimderi jáne  jobalaý-smetalyq qujattaryn ázirleý  úshin jergilikti bıýdjetten 30 mıllıon teńge  qarastyrylǵan. О́mir ESQALI, «Egemen Qazaqstan». Soltústik Qazaqstan oblysy, Ýálıhanov aýdany.