Gallup - adam boıyndaǵy 34 qasıetti anyqtaýǵa arnalǵan eń tıimdi test. Testti 1999 jyly amerıkalyq psıholog Donald Klıfton qoldanysqa engizgen. Kópshilik ony Gallup dep ataǵanymen testtiń resmı ataýy – CliftonStrengths34.
Testiń negizgi maqsaty – adamdardyń myqty qabiletterin anyqtaý arqyly sol baǵytta damytý. Aqyly negizde tapsyrylatyn testtiń quny - 50 dollar, teńgege shaqqanda - 22 500 tg. Test 177 suraqtan turady, ár suraqqa 20 sekýnd ýaqyt beriledi. Testtiń durys nátıjesin kórgińiz kelse, kóp oılanbaı, shynaıy jaýap bergenińiz jón. Toltyrǵannan keıin nátıjesi birden kórinedi. Sonymen qatar, bul test qabiletińizdi arttyrý jolynda naqty áreketterdi usynady. Testti aıaqtaǵannan keıin jaýaptarǵa qaraı shamamen 25 betten turatyn test nátıjesi beriledi. Sol nátıjeni Gallup testiniń analızyn jasaıtyn arnaıy mamandarmen birge taldaısyz.
Test adam boıyndaǵy talanttardy tórt baǵanǵa bóledi:
1) Oryndaýshy;
2) Yqpal etýshi;
3) Qarym-qatynas qurýshy;
4) Strategııalyq oılaý qabileti.
Sonymen qatar, 34 qabiletti damý beıimdiligine qaraı retimen kórsetip beredi. Bastapqy 10 qabilet – sizdiń eń kúshti talantyńyz. Testi Gallup.com saıtyna kirip, onlaın tólem jasap, orys tilinde tapsyra alasyz. Taǵy bir qyzyǵy, álemdegi eń myqty kompanııalardyń 90 paıyzy adamdardy osy test boıynsha jumysqa qabyldaıdy eken.
Saıajan QUDAIBERGEN,
L.N.Gýmılev atyndaǵy EUÝ stýdenti
