Qyzyqty demalys kútip tur

Úkimet basshysy Álıhan Smaıylov jazǵy demalys­ty­ paıdaly ári tıimdi uıym­das­tyrý kezinde aýyl balalary kóbine umyt qalatynyn, dema­lys is-sharalary maǵynaly ótpeı­tinin aıtqan edi. Bıyl jazda óńirlerdegi mektepterdiń oqý­shylaryna basymdyq beri­lip, aýyldyq eldi mekender oqý­shy­larynyń demalys kezeńin ba­rynsha qyzyqty etýge kúsh sa­lynyp jatyr.

Jazǵy demalys ýaqytynda Ke­rekýde 108 myńnan astam oqýshyny qamtý josparlanyp otyr. Bul – 1-10-synyptarda bi­lim alyp jatqan balalardyń 98,4 paıyzy. Aýyldyq mektepterde bilim nárin sińirip jatqan zerek shákirtterge, túrli bilim saıysy men baıqaýynyń júldegerlerine «Qazaqstan halqyna» qory ese­­binen lagerlerge joldama beri­le­di. Taǵy 700-den astam bala oblystyq saýyqtyrý la­ger­­­­lerine baǵyttalsa, 200 jas­óspirim Astanadaǵy Na­zar­baev ýnıversıtetine 10 kúnge saıa­hattaıdy. О́zge shákirtter de umyt qalmaıdy. 40 myńnan astam oqýshyny qamtıtyn 326 mek­tep janyndaǵy lager men alańdardyń jumysyn uıym­dastyrý qarastyrylǵan.

– Jalpy bilim berý mek­tep­teriniń barlyǵynda der­lik jazǵy lagerler uıym­das­ty­ry­lady. Olar óz jumystaryn 5 maýsymnan bastap júrgizse, odan soń qalalar mańyndaǵy la­gerler kestege sáıkes ashyla bastaıdy dep kútip otyr­myz. Orta jáne joǵary sy­nyp­­­­tardaǵy oqýshylar úshin­ óńirimizde salalyq la­ger­­­­­­­­ler uıymdastyrylady. My­sa­ly, mundaı jazǵy lagerler­ bala­lar­dyń kórkemsýret mektep­terinde qurylyp, bala­lar­ plenerge shyǵa alady, tany­mal sýretshilermen kezde­sip, sheberlikterin shyńdaıdy. Mý­zy­kalyq mektepterde salalyq aýysymdar paıda bolsa, al jas qutqarýshylar jasaq­ta­ry olımpııalyq rezervtegi mek­teptermen jumys isteıdi. Munyń barlyǵy balalar úshin óte qyzyqty bolatynyna senim­dimiz, – deıdi oblystyq bilim basqarmasy basshysynyń orynbasary Roza Aqanova.

Bilim berý mekemelerin yntalandyrý maqsatynda jazǵy ýaqytta oblystyq deńgeıde konkýrstar ótkizý de josparda tur. Qalalyq jáne aýdandyq bilim bólimderi arasynda «Jaz-2023» shyǵarmashylyq jobalar baıqaýy, úzdik pedagogıkalyq jasaqty anyqtaıtyn «Bala dostary» oblystyq baıqaýy jáne bilim berý uıymdarynyń oqý-tájirıbelik alańdary úshin «Jasyl jelek» oblystyq baıqaýy uıymdastyrylmaq.

Búginde óńir boıynsha qala syrtyndaǵy balalarǵa arnal­ǵan­ lagerlerdiń sany – 12. Olar­dyń toǵyzy – memlekettik, ózge­s­i jekeniń qolynda. Bular­da jazda shamamen 6 myń­nan astam bala tynyǵady dep­ kú­ti­lip otyr. Demalys orn­y­nyń­ barlyǵy ashylmas bu­ryn­ tó­ten­­she jaǵdaılar qyz­me­ti­niń jáne sanıtarlyq qyz­met­ ma­man­­darynyń tekserýinen ótedi.

R.Aqanova áleýmettik qor­ǵal­­maǵan otbasylardyń bala­la­ry jáne jetim balalar da de­malyspen qamtylyp, bul sanattaǵy 12 myńnan astam oqýshy tynyǵý oryndaryna jiberiletinin aıtty. Bul maq­sat­qa shamamen 300 mln teńge bıýd­jet qarajaty jumsalady. Maý­sym aıynyń ortasynan bas­tap tamyz aıyna deıin balalar úıleriniń tárbıelenýshileri qalalar mańyndaǵy lagerlerge jiberilip, bul iske mese­nat­tar men demeýshiler de tar­tyl­maq. Qazirdiń ózinde jalpy somasy 30 mln teńgege 600 joldama satyp alynǵan.

Balalardyń qyzyǵýshy­ly­ǵyn­ arttyrý maqsatynda jaz mez­gilinde túrli tanymdyq joba­ da qarastyrylǵan. «Uly dala keremeti» týrıs­tik sapar­lary aıasynda oblys­tyń, respýblıkanyń kıeli jer­lerine ekskýrsııalar uıym­das­ty­rylady dep kútilip otyr.

Pavlodar oblysy