Qazaqstan dzıýdo federasııasy baspasóz qyzmetiniń málimeti boıynsha, «Úlken dýlyǵa» sanatyndaǵy jarysta el namysyn ulttyq qurama kóshbasshylarymen birge, eresekter qataryna endi qosylyp jatqan jas sportshylar da qorǵaıdy.
Atap aıtqanda, 2019 jylǵy jastar arasyndaǵy álem chempıony, «Grand Slam» dodalarynyń júldegeri Nurqanat Serikbaev, 2015 jylǵy álem birinshiliginiń jeńimpazy, byltyr Horvatııada uıymdastyrylǵan «Grand Slam» týrnıriniń altyn medal ıegeri Maǵjan Shamshadın, bıyldan bastap eresekter dýyna aralasa bastaǵan Qanat Seıilhan men Dáýren Sıýkenov 60 kılo salmaqta beldesýlerge shyǵady.
Al 66 kılo salmaq dárejesinde álem chempıonatynyń kúmis júldegeri Ǵusman Qyrǵyzbaev, jastar arasyndaǵy álem chempıony Ermek Amangeldi, jastar arasyndaǵy týrnırlerdiń júldegeri Aıbolat Ystybaı, Suńǵat Jubatqan baq synaıdy.
Azııa chempıony Danııar Shamshaev, Gran-prı jarystarynyń úsh dúrkin jeńimpazy, Rıo Olımpıadasyna qatysýshy Jansaı Smaǵulov jáne Darhan Qoıbaǵar, Asqar Narqulov 73 kılo salmaqta, Aıbol Nysanáli, Rýslan Musaev, Abylaıhan Jubanazar, Bekádil Shaımerdenov 81 kıloda, Ermahan Ánýarbekov, Muhammedálı Mavlıdov, Qudiret Dosymov, Aıan Baıǵazy 90 kıloda, Nurlyhan Sharhan, Bekarys Sádýaqas, Bekzat Shaǵataev, Islam Bozbaev 100 kıloda, Ǵalymjan Qyryqbaı, Ádil Orazbaev, Erasyl Qajybaev, Madı Edilbaev 100 kılodan joǵary salmaqta tatamıge shyǵady.
Qyzdar arasyndaǵy básekelerdiń eń jeńil salmaǵynda álem chempıonatynyń qola júldegeri, Azııa birinshiliginiń eki dúrkin kúmis júldegeri, bıyl Portýgalııanyń Almada qalasynda uıymdastyrylǵan jyldyń alǵashqy Gran-prı jarysynyń jeńimpazy Ábıba Ábýjaqynova, qurlyq jarystarynyń jeńimpazy, Gran-prı týrnırleriniń júldegeri Ǵalııa Tynbaeva, Janerke Asqarova men Nuraılym Sársenbek bas júlde úshin beldesip kóredi.
Sonymen qatar Tolǵanaı Ábeýova, Qundyz Jylqybaı, Gaýhar Ermaǵambetova (52 kg), Sevara Nyshanbaeva, Baqyt Qusaqbaeva, Balnur Qurmanbaı, Dana Ábdirova (57 kg), Móldir Narynova, Esmıgúl Kýıýlova, Anastasııa Morozova (63 kg), Anastasııa Maıakova, Roza Nysantaıqyzy, Dıana Telbaeva (70 kg), Arýna Jangeldına, Nazerke Tileýhanova, Margarıta Grısenko (78 kg), Kámıla Berliqash, Aqerke Ramazanova, Nazgúl Maratova 78 kılodan joǵary salmaqta kúsh synasady.
Bıyl Qazaqstan dzıýdo federasııasy Halyqaralyq dzıýdo federasııasymen (IJF) álemdik «Grand Slam» jarysyn Qazaqstanda ótkizý týraly tórtjyldyq kelisimshartqa qol qoıdy. Ekijaqty kelisimshartqa sáıkes, Qazaqstan álemdik «Grand Slam» jarysyn 2023-2026 jyldar aralyǵynda qabyldaıdy.
«Qazaqstan barysy Grand Slam» týrnırinde dzıýdoshylar 2024 jyly Parıjde, 2028 jyly Los-Andjeleste ótetin Jazǵy Olımpııa oıyndaryna qatysý úshin upaı jınaıdy.
