Konservatıvti kúshter arasyndaǵy janjaldar saldarynan jáne jańa ósip kele jatqan «oıynshylardyń» kesirinen halyqaralyq qatynastarǵa syzat túsip otyr. Biz kerisine beıbitshilikti ilgeriletýimiz kerek. Sondyqtan álemge Qytaıdy da, Vatıkannyń da ýájin birdeı tyńdaı bilýi mańyzdy.
Al Qazaqstan týraly aıtsaq, bul el – jas respýblıka. Alaıda el osynaý 30 jyldyń ishinde kóp ózgerip, jańa Qazaqstan paıda boldy. Sonymen qatar atalǵan ýaqyt ishinde Qazaqstanda ekonomıkalyq evolıýsııa paıda boldy. Elde jastardyń sany artqan, óskeleń urpaq – jas eldiń bolashaǵy ekendigine kúmánimiz joq.
Qazaqstandaǵy saıası reformalarǵa qatysty Prezıdenttiń, Úkimettiń jańaryp, Konstıtýsııaǵa ózgerister engizilgenin de bilemiz. Buǵan qosa ekonomıka men bıznesti ilgeriletý baǵytynda Konstıtýsııaǵa jańa baptardyń qosylýy óte mańyzdy.
Qazaqstan – Ortalyq Azııadaǵy negizgi qozǵaýshy kúsh. Meniń oıymsha, Qazaqstan basshylyǵy óńirdiń basqa elderin qoldaýǵa jaýapty. О́ıtkeni Qazaqstannyń róli – Ortalyq Azııadaǵy teńdestirilgen áleýmettik-ekonomıkalyq jaǵdaıǵa járdemdesý. Qazaqstan Ortalyq Azııadaǵy áleýmettik-ekonomıkalyq tepe-teńdikke ǵana emes, keıbir geosaıası aspektilerge de járdemdese alady.
Sonymen qatar Astana qalasy sońǵy 20 jyl ishinde beıbitshilik pen órkenıetter dıalogyna arnalǵan forýmdardyń alańy, sondaı-aq álemdik qoǵamdastyqtyń nazaryn ıadrolyq beıtaraptyq problemasyna aýdarady.
«Bir beldeý – bir jol» bastamasyna qyzyǵýshylyqtyń artýy oǵan Qazaqstannyń qatysýy jáne bastama sheńberindegi ortamerzimdi yntymaqtastyqtyń perspektıvaly ekenin aıtqan jón.
Tutastaı alǵanda, Qazaqstan álemdegi kóptegen elmen ekijaqty tıimdi negizde asa tyǵyz saıası-ekonomıkalyq baılanys ornatyp úlgergen.
Tıberıo GRASIANI,
«Vision & Global Trends» taldaý ortalyǵynyń tóraǵasy
