Jalpy, bizge ıdeologııany syrttan izdeýdiń asa qajeti joq. Ol ózimizde bar dúnıe. Qazaqstan halqyn uıystyratyn – qazaq ulty. Al qazaq ultyn uıystyratyn – ata-babamyzdyń ustanǵan dini men tili, salt-dástúri men ádet-ǵurpy, búkil mádenı shyǵarmalary. Sonymen qatar ózimizdiń klassıkterdiń (Abaı, Shákárim, M.Áýezov, B.Momyshuly, M.Maqataev, Á.Kekilbaev jáne basqalar) jáne Alash arystarynyń týyndylary da bul «maıdanda» óz ornyn tabýy qajet. О́kinishke qaraı, osy irgeli dúnıelerdi barlyq shyǵarmashylyq arnalar arqyly (TV, kitap, kıno, teatr, anımasııalyq fılmder, kitap, áleýmettik jeliler, t.b.) nasıhattaý kenje qalyp otyr. Otbasyndaǵy, balabaqshadaǵy, mekteptegi, kolledjdegi, ýnıversıtettegi, mekemelerdegi tárbıe jumystaryn qazaǵymyzdyń asyl muralary negizinde iske asyrýǵa tıispiz. Sonda ultymyzdyń tamyryna balta shabylmaıdy, ýyn shashyp júrgen jat aǵymdardyń yqpalyna tótep beretin, azamattarymyzdyń júreginde ıdeologııalyq ımmýnıtet, rýhanı qalqan qalyptastyramyz.
Otandastarymyzdy álem moıyndaǵan danalardyń týyndylary arqyly da rýhanı tárbıelegenimiz jón. Mysaly, álemniń myqty 100 oıshyly men klassıgi – A.Iаsaýı, Sokrat, Konfýsıı, A.Ǵazalı, A.Naýaı, Ý.Shekspır, A.Dıýma, E.Hemıngýeı, L.Tolstoı, A.Pýshkın, taǵy da basqalardyń eńbekteri memlekettik tilge aýdarylyp, taratylsa jáne oqý baǵdarlamalaryna engizilse, jastarymyzdyń oı-órisi, sana-sezimi arta túsedi.
Edil JAŃBYRShIN,
Májilis depýtaty,
Ulttyq quryltaı múshesi
