Tirligime kú­le qaraǵandar kóp bolǵan - Samurat Imandosov

Bul týraly «Egemen Qazaqstan» gazetiniń tilshisi Murat Jetpisbaev «Eńbekpen shyqqan tór bıik» maqalasynda jazdy. 

Maıdanger ákesi qyzmet babymen Maılybas aýylyna kó­ship kelgende Samurat nebári 7 jasta, aǵasy Shákimurat 9 jasta bolǵan. Sol kezde aǵaıyndary baspanasynyń uıadaı bir bólme­sin bosatyp berip edi. Sonda bir qys turyp, keler jyly ózderi úı salýdyń qamyna kiristi. Sol úıdiń kesegin 7 jastaǵy Samurat pen toǵyzdaǵy aǵasy Shákimurat quıyp shyq­ty. Aǵaıyndy eki ul stansadaǵy segizjyldyq mek­tep­­tiń oqý úzdikteri boldy. Mek­tepti bitirgesin Qy­zylorda gıd­rome­lıoratıvtik tehnıkýmyna teh­nık-mehanık mamandyǵy boıynsha oqýǵa qabyldandy. Qazaly sýlan­dyrý júıesi basqarmasynda ın­jener-ekonomıst qyzmetinen bas­talǵan eńbek joly osy sa­ladaǵy jaýapty qyzmetterge jalǵasty.

Almatyǵa barǵan kún­derdiń birinde sol qalada júrgen Qyzylorda ob­lysynyń ákimi Seıilbek Shaýhamanov Samurat Jumanulyn sha­qyryp, Qa­zaly aýdanyn bas­qarýǵa qolqa sal­ǵan edi. Osylaısha aýdan basqarýǵa kirisken Samurat Jumanuly aýylsharýashylyq salasynda biraz bastama kótergen. Oblys ákimi aýysqanda aýdan ákimderi zańǵa sáıkes oryndaryn bosatqan. Sol tusta jeke is bastaýǵa bel býǵan Samurat Imandosov nan pisiretin seh ashýdy uıǵardy.

Maqala avtorynyń jazýynsha, kúnine 90 dana ból­ke pisiretin shaǵyn seh ashqan bu­rynǵy ákimniń búgingi tirligine kú­le qaraǵandar kóp bolypty. Bi­raq bastaǵan isi bir údeden kó­­rin­genshe tynym tappaıtyn Sa­mu­rat Jumanuly aıanbady. Nan pisirýdiń barlyq talaptaryn bul­jytpaı saqtady. As atasy­nan bastalǵan kásip birden úıi­rile qaldy, kóp uzamaı áýelgide mysqyldaı qaraǵannyń birazy Imandosov pisirgen nandy izdeıtin boldy.

Murat Jetpisbaevtyń paıymdaýynsha, kásipte de sát saıyn aldyń­dy boljap, ótkenińdi taldap otyr­masań kóp nárseden qur qalasyń. Tipti erteńine kóziń jetip otyrsa, tyńnan jol salýdan da qashpaǵan durys. Samurat Jumanulynyń eńbek joly - bunyń aıqyn dáleli.