«Kúldirmamaıdyń uńǵysy uzyn keledi. Alysqa atýǵa arnalǵan myltyq. Aýzynan oqtalyp, pilte arqyly ot alady. Kúldirmamaıdyń atar kezde jerge tirep qoıatyn jınamaly sıraǵy bolady. El aýzynda Kenesary Aqmola bekinisin qorshaǵan kezde qalanyń syrtynda turyp osy kúldirmamaı myltyqpen qamaldaǵy zeńbirekshini atyp túsirgen degen sóz bar. Kene hannyń myltyǵy qazir Ombynyń ólkelik tarıhı-ádebı murajaıynda saqtaýly tur. Bul myltyqtyń kóshirmesin qolóner sheberi Tańat Álibaev jasap shyǵardy», deıdi aqyn Batyrlan Saǵyntaev.
Sondaı-aq «Egemen Qazaqstan» gazetiniń tilshisi Nurqanat Qulabaevtyń «Jaýdyń qutyn qashyrǵan kúldirmamaı» atty materıalynda jazylǵandaı, bul myltyq qazir Qostanaı oblystyq tarıhı-ólketaný mýzeıinde tur.
