Ákimniń jazýynsha, bıyl 9,5 myńnan astam oqýshy bilim ordasyn támamdady. Olardyń ishinde 280 oqýshy – «Altyn belgi» ıegeri, 607-si – úzdik oqýshy.
«Qurmetti túlekter! Sizder úlken ómirge qadam basqaly tursyzdar! Aldaryńyzda jańa múmkindikter ashylyp, jarqyn bolashaǵymyzdyń kókjıegi kórindi. Aralaryńyzda bolashaq ustazdar, dárigerler, IT-mamandary, ınjenerler, memlekettik qyzmetshiler jáne t.b. bar. Bilim jolynda ǵana emes, qoǵamdyq ómirde de jaqsy qyrlaryńyzben kórindińizder. Birazyńyz eriktiler qatarynda boldyńyzdar. Bul ıgi isti ary qaraı da jalǵastyra beretinderińizge senimdimin!
Memleket basshysy Qasym-Jomart Kemeluly Toqaev jýyrda ótken Quryltaıda óskeleń urpaq ótkenniń tájirıbesi men bolashaqtyń kókjıegin ushtastyra otyryp, ulttyq rýhty jańǵyrtyp jatqanyn erekshe atap ótti. Memlekettiń mindeti – osy oń serpindi saqtap qalý jáne ony eselep arttyrý.
Sizder – bizdiń úmitimiz, bolashaǵymyzsyzdar. О́z bolashaqtaryńyz – óz qoldaryńyzda. Tynymsyz eńbek pen bilimniń arqasynda bıik belesterdi baǵyndyryp, armandaryńyz ben maqsattaryńyzǵa jetesizder! Qatelik pen sátsizdikten jasqanbańyzdar. Uly ǵalymdardyń biri Tomas Edıson bylaı degen: «Men sátsizdikke ushyraǵan emespin, tek durys emes 10 000 tásildi qoldanyppyn».
Úlken ómirge basqan sátti qadamdaryńyz qutty bolsyn!
Búginge deıin jıǵan bilimderińiz – ustazdaryńyz ben ata-analaryńyzdyń qajyrly eńbeginiń nátıjesi.
Bıik shyńdardy baǵyndyra berińizder! Biz sizderdi kez kelgen ýaqytta qoldap, jandaryńyzdan tabylamyz: bilim alyp, karera qurý úshin jáne qalada qolaıly ómir súrý úshin tıisti jaǵdaıdyń bárin jasaımyz», dep jazdy elorda ákimi.
