Aǵylshyn munarasy

Qazirgi Júsipbek Aı­ma­ýytuly atyndaǵy aýyl orna­las­qan aýmaq kezinde «Jo­saly» dep atalǵan. Bul jer topyraǵy qyzǵylt-sarǵysh keletinine oraı Josaly dep atalsa kerek. Aýmaqta kezinde aǵylshyndar qazǵan kómir, altyn, kúmis, molıbden kenishteri bar. Aǵylshyndar jergilikti jataqtardy jumysshy ese­binde paıdalanǵany málim. Kenishti boılaı qonǵan qazaq aýyly kóp bolǵan. Onyń barlyǵy Qyzyltaý bolysynyń ıeligindegi eldi mekender sa­nalǵan. Álgi kenishten qazirgi Pavlodar oblysynyń Aqsý qa­lasyna deıin relsti jol sa­lynyp, ken sondaǵy keme aılaǵyna tasylǵan.

Baıanaýyldyq ólketanýshy Ramazan Nurǵalıevtiń aıtýynsha, sol ýaqytta paıda bolǵan jumysshylar kenti «Kómir» dep atalǵan. Aýyldyń janyndaǵy tóbege aǵylshyndar kádimgi tas­tan órip, sý munarasyn tur­ǵy­zady. Bıiktigi 3-4 qabat­ty úımen teń ǵımarattyń geo­­metrııalyq dáldikpen sa­lynǵany tańǵaldyrady. Qan­­shama jyl ótse de, bir ta­sy qozǵalmaǵan. «Sý muna­ra­­­synyń salynǵanyna shamamen bir jarym ǵasyrdaı ýaqyt ótti dep shamalanady. Keıin keńes ókimeti jyldary munara tolyqqandy jumys istep, jergilikti ujymshardy aýyz sýmen qamtamasyz etken. Mu­nara tóbesindegi qanatty beton quımalardyń áli kúnge ajyramaı, bastapqy qalpyn saqtap turǵanyna tańymyz bar. Ǵımarat eskiligine qara­mas­tan kúıin buzbaǵan. Al odan árirekte aǵylshyndar kó­mirmen jumys isteıtin elektr stansasyn da turǵyzǵan. Onyń jaryǵy jumysshylar kentine ǵana emes, kómir ke­nish­terine jetkizilgen. Qazir bul nysannyń qańqasy ǵana saq­talyp tur», deıdi ol.

Pavlodar oblysy,

Baıanaýyl aýdany,

Júsipbek Aımaýytuly aýyly