Sýretterdi túsirgen Erlan OMAR, «EQ»
Jıyrma bes jyldyq tarıhtyń kýási bolyp, bas qalanyń sımvolyna aınalǵan Báıterekti búginde záýlim ǵımarattar quddy bir kólegeılep, qorǵashtap turǵandaı áser qaldyrady. Shyny kerek, Astana qurylǵan alǵashqy jyldary jańashyldyqtyń lebi Esil aýdanynan ǵana esip turatyndaı seziletin. Al búginde jańa aýdandar qurylyp, barlyq aýmaqqa teńdeı kóńil bólinip, kórkeıip jatyr.
Alysty aıtpaı-aq qoıalyq, beride boı kótergen, zeńgir kókpen talasqan «Abý-Dabı Plaza» kesheni, EKSPO kesheni, sonyń mańaıynda salynǵan ǵımarattardyń ózi qandaı? Jaqynda ashylǵan Ortalyq Azııadaǵy eń úlken meshitke arnaıy kelip jatqan qonaqtar kóp. Bul da bolsa, týrıstik qala retinde mine-mine tanyla bastaǵan qalanyń abyroıy.
Barǵan saıyn qulpyryp kele jatqan shahardyń shyraıy odan saıyn ashylyp, aıasy keńeıe beretini anyq. «Elý jylda el jańa» degendeı, taǵy bir shırek ǵasyrda ásem qalamyz múldem basqa keıipke enip, tańdaı qaqtyrýy ǵajap emes. О́ıtkeni elýdiń jartysyn jasaǵan jasampaz qalanyń qazirgi kórkin buryn elestetýdiń ózi qıyn bolatyn. Endeshe, aıshyqty Astananyń búgingi kórinisiniń bir parasyna tómendegi sýretten kóz toıdyryńyzdar!
