«Qazgıdromet» RMK usynǵan málimet boıynsha, respýblıkanyń basym bóliginde kún raıy qubylmaly bolady. Elimizdiń batysynda qatty jańbyr jaýady, naızaǵaı oınaıdy. Tek ońtústikte, soltústikte, ortalyqta aýa raıy jaýyn-shashynsyz bolady.
Sınoptıkterdiń aıtýynsha, respýblıka boıynsha jel kúsheıedi, túnde jáne tańerteń soltústikte tuman bolady.
«Kúndiz Jambyl, Qyzylorda, Túrkistan, Almaty, Jetisý, Abaı, Ulytaý, Mańǵystaý, Qaraǵandy, Aqtóbe, Shyǵys Qazaqstan oblystarynyń ońtústiginde 35-43°S qatty ystyq bolady», delingen «Qazgıdromet» RMK habarlamasynda.
Kúndiz soltústikte, Almaty oblysynyń ortalyǵynda 42°S-ǵa jetetin ystyq saqtalady, sonymen qatar batysta, Túrkistan oblysynyń shóldi aımaqtarynda kún 45°S, Ulytaýdyń ońtústiginde 40°S-qa deıin ystyq bolady dep boljandy.
Almaty, Túrkistan, Jambyl, Shyǵys Qazaqstan, Qaraǵandy, Mańǵystaý, Ulytaý, Jetisý, Abaı oblystarynda, Qyzylorda oblysynyń ortalyǵynda, shyǵysynda, Pavlodar oblysynyń ońtústiginde, Aqtóbe oblysynyń ortalyǵynda, batysynda, Atyraý oblysynyń soltústiginde, Aqmola oblysynyń ońtústiginde, batysynda tótenshe órt qaýpi bar.
Soltústik Qazaqstan, Aqmola oblysynda, Atyraý oblysynyń basym bóliginde, Qostanaı oblysynyń ońtústiginde, Mańǵystaý oblysynyń batysynda, soltústik-shyǵysynda joǵary órt qaýpi saqtalady.
