Kollajdardy jasaǵan Almas MANAP, «EQ»
Oblystyq bilim basqarmasy basshysynyń orynbasary Nurgúl Bertileýovanyń aıtýynsha, óńirge qajetti mamandar daıarlaý máselesi jergilikti memlekettik organ qyzmetkerleri, úkimettik emes uıymdar, «Atameken» óńirlik ulttyq kásipkerler palatasy ókilderi qatysýymen ótken komıssııa otyrysynda qaralǵan.
Qazirgi ýaqytta óńirde akter, rejısser, ıslamtanýshy, teolog, sáýletshi, jobalaýshy jáne baǵalaýshy, áleýmettik qyzmetker, balyq sharýashylyǵy mamany jáne gıdrolog jetispeıdi. Sondaı-aq osy joly matematıka, fızıka, hımııa, orys tili men ádebıeti páni, orys mektebindegi bastaýysh synyp muǵalimi, alǵashqy áskerı daıyndyq jáne dene shynyqtyrý páni muǵalimin daıarlaýǵa 38 grant bólindi. О́ńirde jyldan jylǵa sezilip kele jatqan medısına qyzmetkerleriniń tapshylyǵyn joıý maqsatynda sporttyq medısına, akýsher-gınekolog, onkolog, anestezıolog-reanımatolog, kardıolog, nevrolog, neırohırýrgııa, balalar hırýrgııasy jáne jalpy hırýrgııa boıynsha rezıdentýraǵa túsýshilerge grant kóp bólinip otyr. Jergilikti bıýdjet grantyna qol jetkizgender elimizdiń kez kelgen joǵary oqý ornynda oqı alady. Bul jerde talapkerler úshin joǵary oqý oryndarynyń reıtıngi óte mańyzdy. Jergilikti bıýdjet qarajaty esebinen oqýǵa ótinish bildirgen úmitker UBT-dan 65-ten joǵary upaı jınasa – ulttyq ýnıversıtetke 50 upaı jınasa kez kelgen óńirlik ýnıversıtettiń bakalavrıat bólimine túsýge múmkindigi bar. Biraq bul jerde grant bólingen naqty mamandyqqa qansha úmitkerdiń qujat tapsyratyny óte mańyzdy. Upaıy kóp talapker ǵana ákim grantyna qol jetkizedi.
Aqtóbe oblysynda jergilikti bıýdjet esebinen memlekettik bilim berý tapsyrysy 2018 jyldan qolǵa alynyp, bes jyl ishinde 440 grant bólindi. Sonyń nátıjesinde qazirgi kezde elimizdiń 15 joǵary oqý ornynda 293 aqtóbelik stýdent oqyp jatsa, mamandyq alǵan 124-i joldamamen jumys istep jatyr. Tek keıingi jyly ǵana jergilikti bıýdjet esebinen oqyǵan 28 túlek Aqtóbe qalasynda jumysqa ornalassa, 33 túlek aýdandarda eńbek jolyn bastady. Olardyń kóbi – mal dárigeri, IT-mamany, dáriger, kishi medısına qyzmetkerleri. Jergilikti bıýdjet esebinen oqytý júıesi bir jaǵynan UBT-dan joǵary nátıjege qol jetkize almaǵan talapker úshin de jaqsy múmkindik. Jergilikti bıýdjet qarajaty esebinen grantqa qujat qabyldaý bakalavrıatqa oqýǵa túsýshiler úshin respýblıkalyq grant nátıjesi jarııalanǵan kúni bastalyp, úsh kúnge ǵana sozylady. Al rezıdentýrada oqyǵysy keletinder úshin ótinimder 23 tamyzdan bastap qabyldanady. Jergilikti komıssııa músheleri grantqa ótinim tapsyrýshylardyń UBT-dan jınaǵan upaıyna, magıstratýra men rezıdentýraǵa túsýshiler úshin memlekettik emtıhan nátıjesine nazar aýdarady. Eger bir mamandyqqa birneshe úmitker qujat tapsyrsa, UBT men emtıhandardan upaıy ózgelerden joǵary talapker ǵana óte alady.
Sodan keıin jergilikti bıýdjet grantyna qol jetkizgen stýdent, jergilikti memlekettik organ jáne joǵary oqý orny arasynda úshjaqty kelisim jasalyp, onyń negizinde oqý ornyn bitirgen jas maman joldamamen barǵan jerinde bes jyl taban aýdarmaı eńbek etedi. Eger jas maman oqý ornyn bitirgen boıy usynǵan jumystan bas tartsa, onda memlekettiń oqýǵa jumsaǵan shyǵyny men alǵan shákirtaqysyn qaıtaryp berýge tıis.
