– Jekpe-jek urystan Ulttyq ulannyń bes márte chempıony qaı jerde ómirge keldi?
– Men 1992 jyly Aqtaý qalasynda dúnıege kelgenmin. Sol qaladaǵy №23 mektepti aıaqtaǵan soń, deneshynyqtyrý mamandyǵy boıynsha kásibı-tehnıkalyq kolledjine oqýǵa tústim. Keıin bilim alýdy Sh.Esenov atyndaǵy Kaspıı memlekettik tehnologııalar jáne ınjenerıng ýnıversıtetinde jalǵastyrdym. 2014 jyly Otan aldyndaǵy boryshymdy óteýge attandym. Al 2016 jyldan beri áskerı qyzmettemin. Jekpe-jek uryspen 15 jyldan beri aınalysyp júrmin.
– Áskerı qyzmetke qalaı keldińiz?
– Jaqyndarymnyń arasynda áskerı qyzmet atqarǵandary joq. Bul salaǵa ózimniń sanaly tańdaýymmen keldim. О́zime unaıdy. Budan artyq ne kerek? Sondyqtan óz sheshimime ókinbeımin. Ári-beriden soń el ıgiligi jolynda eńbek etip jatyrmyz dep sanaımyn.
– Áskerı qyzmet pen sportty qalaı ushtastyryp júrsiz?
– Áskerı salada jumys isteıtin azamattar úshin sportpen shuǵyldaný asa mańyzdy. Áskerı tulǵa – dene bitimi kelisken, shymyr, batyl da batyr adam. Al mundaı jan sporttan qalaısha alys bolady? Jalpy, kez kelgen azamat áıteýir bir sport túrine beıim bolady. Tym bolmaǵanda, salamatty ómir saltyn ustanýǵa tyrysady. Munyń ózi – jetistik. Menińshe, ekeýi bir-birine kedergi keltirmeıdi. Sondyqtan ár ulandyq sportpen shuǵyldana bilgeni jón. Bul áskerimizdiń sapasyn arttyrady.
– Bizge sizdiń sporttaǵy alǵashqy qadamyńyz qaı kezde bastalǵany qyzyq.
– Sportqa 10 jasta keldim. Jastaıymnan sharýaǵa yńǵaıly, sportqa áýes bala bolyp óstik. Shákirt retinde eń alǵash ret Alekseı Mesherıakovten tálim aldym. Keıin Ulttyq ulannyń sport komandasyn daıarlaý ortalyǵynyń bastyǵy polkovnık Sátjan Ábishevtiń qol astynda jattyǵa bastadyq. Sol kisiler bizdi árkez jigerlendirip, barynsha qoldap otyrdy.
– Sportty ómirlik serik etken talaı azamat áskerdiń maqtanyshy sanalady. Tipti olardyń arasynda elimizdiń mereıin asyryp júrgender de kóp. Solardyń biri – ózińiz.
– Asyra maqtap jibergen sııaqtysyz (kúlip). Shúkir, uzaq
jattyǵýdyń nátıjesinde birshama jetistikterimniń bary ras...
– Atap ótseńiz, artyq bolmas edi.
– Álem chempıonatynda ámbebap jekpe-jekten birinshi oryn ıelengenmin, jekpe-jek urystan Álem kýboginiń kúmis júldesin, dál osy sport túrinen elimizdiń eki dúrkin, Ulttyq ulannyń 5 dúrkin chempıony boldym. Budan bólek, 2 ret el kýboginiń ıegeri atandym. Aıtpaqshy, bıyl 16-17 maýsym kúnderi Astanada ótken jekpe-jek urystan álem chempıonatynda 3-oryn aldym. Negizi budan da jaqsy nátıje ýysta turǵan. О́kinishke qaraı, alǵan jaraqatymnyń saldarynan kezekti jekpe-jekke shyǵa almaı qaldym.
– Alda qandaı jarystar kútip tur?
– Qazirgi sátte saýyqtyrýdan ótip, josparly jattyǵýlarymdy qaıta jandandyryp jatyrmyn. О́ıtkeni aldaǵy qarasha aıynda elordamyzda ótetin Qorǵanys mınıstriniń kýbogine talaspaq oıym bar. Buıyrsa, ózimniń babymda ekenimdi sol jerde qaıta dáleldep bergim keledi.
– Bos ýaqytyńyzdy qalaı jáne qaıda ótkizesiz?
– Mundaı sátte teńiz jaǵalap, jaıaý serýendegendi qup kóremin. О́ıtkeni qazirgi tehnıka men tehnologııa damyǵan zamanda ózimizdi-ózimiz kútpesek bolmaıdy. Sol sebepti jaıaý júrý densaýlyqqa óte paıdaly. Muny men aıtpasam da oqyrmandar jaqsy biledi. Onyń ústine kúıbeń tirlikten bir sátke oqshaýlanyp, ońashalanǵan da unaıdy. Sana sergise, júrek tynshıdy. Janyńa jaılylyq syılaı alsań, ózińdi óziń tárbıelegeniń. «Jeńistiń eń úlkeni – ózińdi óziń jeńý» degen sózdi estip edim. Jany bar sóz. Kerjalqaý jannyń janyn qarıtyn, bosbelbeý jigittiń namysyn oıatatyn-aq sóz. Sondyqtan men bos ýaqytymda ózimdi fızıkalyq turǵyda ǵana damytpaı, rýhanı jetildirýge de kúsh salamyn.
Áńgimelesken
Janbolat KENJEǴUL,
jýrnalıst
