Kezdesýge qatysýshylar densaýlyq saqtaý júıesi, jol, ekologııa, óńirdi aýyz sýmen qamtamasyz etý jáne EAEO elderinen satyp alynǵan sheteldik nómiri bar avtomobılderdi zańdastyrý máselelerin talqylady.
Senator Memleket basshysy «Ádiletti memleket. Birtutas ult. Berekeli qoǵam» Qazaqstan halqyna Joldaýynda elimizge 2022 jyldyń 1 qyrkúıegine deıin ákelingen, el zańnamasyna sáıkes memlekettik tirkeýden ótpegen sheteldik avtomobılderdi birjolǵy zańdastyrýdy tapsyrǵanyn atap ótti.
Depýtat sonymen qatar Palata qyzmetiniń qorytyndylary týraly habardar etti, ótken sessııa barysynda qabyldanǵan zańdardaǵy negizgi jańalyqtardy kezdesý qatysýshylaryna jan-jaqty túsindirip berdi.
* * *
Senator Sultanbek Mákejanov Almatydaǵy «№5 qalalyq klınıkalyq aýrýhanada» bolyp, mekemedegi dáriger qyzmetkerlermen kezdesti.
Sapar barysynda dárigerler qaýymy aýrýhanada jasalatyn em-dom sharalary men kórsetiletin medısınalyq qyzmetterdiń qazirgi jaǵdaıy men tıimdiligi, medısına qyzmetkerlerine tıisti jaǵdaı jasaý, densaýlyq saqtaý salasynda kórsetiletin memlekettik qyzmet týraly senatorǵa aıtyp berdi.
«Osynda kórsetiletin medısınalyq qyzmetterdi jaqsartý jumystary – medısına qyzmetkerlerine tıisti jaǵdaı jasaý men jalaqysyn arttyrýda negizgi baǵyttardyń biri. Bul másele elimizdiń depýtattyq korpýsynyń nazarynda», dedi Sultanbek Mákejanov.
Depýtat sonymen qatar elimizdiń budan bylaıǵy áleýmettik-ekonomıkalyq damýy men halyqtyń tabysyn arttyrýǵa baǵyttalǵan Parlament Senatyndaǵy zań shyǵarý jumysy týraly kezdesýge qatysýshylarǵa aıtyp berdi.
* * *
Senat depýtattary Olga Býlavkına men Shákárim Buqtuǵutov Rıdder qalasynda bolyp, kezdesýler ótkizdi.
Senatorlar sapar barysynda Rıdderdegi jylý energetıka ortalyǵynyń jumysymen tanysty, qala turǵyndarymen júzdesti. Júzdesýge qatysýshylar О́skemen-Rıdder avtomobıl jolyn jóndeý, JEO-ǵa arnalǵan jabdyqtar shyǵaratyn zaýyt salý, temirjol jolaýshylary qatynasyn qalpyna keltirý jáne shańǵy jarysyna arnalǵan arnaıy jol salý máselelerin talqylady.
Depýtattar sonymen qatar jańa aýrýhana kesheniniń qurylys alańynda boldy. Qalalyq aýrýhana ókilderi keshendi damytý jónindegi keleshek josparmen depýtattardy tanystyrdy.
* * *
Senat depýtaty Álibek Náýtıev Atyraý oblysynyń Qyzylqoǵa aýdanyndaǵy Saǵyz eldi mekeninde boldy. О́ńirge arnaıy kelgen depýtat áleýmettik nysandardyń jumysymen tanysyp, jurtshylyqpen júzdesti.
Kezdesýge qatysýshylar aýyl turǵyndaryn aýyz sýmen jabdyqtaý, emhana qurylysy, temirjol ótkeli, aınalma jolǵa kópir salý, elektr energııasymen qamtamasyz etý máselelerin talqylady.
Senator Mııaly aýylyna sapary barysynda aýdan ákimimen, aýdandyq máslıhat depýtattarymen, qoǵamdyq keńes múshelerimen, qoǵam belsendilermen kezdesti.
Mundaǵy júzdesý barysynda aýdandyq áskerı komıssarıattyń issapar shyǵyndaryn óteý, kólikpen qamtamasyz etý, kóktemgi sý tasqyny kezinde zardap shekken jol men gaz qubyryn qalpyna keltirý, sondaı-aq Taısoıǵan eldi mekeninde jol salý máseleleri kóterildi.
