Foto: Astana qalasy ákimdiginiń baspasóz qyzmeti
«Asarume» qaıyrymdylyq qory bastaǵan bul aksııanyń basty maqsaty – muqtaj jandarǵa qamqorlyq jasaý, moraldyq, materıaldyq turǵydan, bilim, sport salalarynan qoldan kelgenshe kómek kórsetý.
Qalalyq sporttyń olımpıadalyq emes túrleri boıynsha damytý dıreksııasy ataýly aksııany nazardan tys qaldyrmady. Aksııa aıasynda toǵyzqumalaqtan Astana qalasy qurama komandasynyń sportshylary men mekemeniń aǵa jattyqtyrýshysy Nurjan Qonarbaev «Asarume» qaıyrymdylyq qorynyń tizimi boıynsha shaqyrylǵan balalarǵa aıtýly sporttyń qyr-syryn jáne oıyn barysyn kórsetti.
Qalalyq sporttyń olımpıadalyq emes túrleri boıynsha damytý dıreksııasynyń basshysy Dastan Jumabaıulynyń aıtýynsha keıingi jyldary elimizde túrli jobalar men aksııalardy qoldaǵan jomart jandar sany artyp keledi. Elordada sporttyń bul túrimen 3500-den astam sportshy aınalysady, onyń 51-i qala quramasynda, 10-y Ulttyq quramada. Sportshylarymyz Astana qalasynda «Oqýshylar saraıy», «Bereke» aýla klýby, «Aqshoqy» paralımpıadalyq ortalyǵy, «Arqa Alan» sport klýby, «Temirlan» aýla klýby, «Zamandas» aýla klýby, №87 mektep-gımnazııada toǵyzqumalaq sport túrimen aınalysa alady.
