Joldaýda Qazaqstan ekonomıkasyn damytýdyń aldaǵy strategııasy belgilendi. Budan bólek, Prezıdent bastamalary ekonomıkanyń birqatar salasynyń jańa erejelerin usynyp otyr. Sonyń arqasynda atqarýshy bılik júıesi, ortalyq pen óńirler arasyndaǵy qarym-qatynas ózgeredi, salyqtyq yntalandyrýdyń, normatıvtik-quqyqtyq retteýdiń, ınvestorlarmen ózara is-qımyldyń jańa sharalary enedi. Jańa Joldaý ekonomıkalyq máselelerdi sheshýge baǵyttalsa da, onda áleýmettik sıpattaǵy mańyzdy bastamalar bar. Atap aıtqanda, jalaqyny kóterý, jumyspen qamtý, balalar qaýipsizdigi, bilim alýdaǵy teńdik, t.b.
Memleket basshysynyń qoǵamda qyzý talqylanyp jatqan AES salýǵa qatysty máseleni respýblıkalyq referendýmǵa shyǵarý týraly usynysyna erekshe nazar aýdarý qajet. Bul Prezıdenttiń «Halyq únine qulaq asatyn memleket» jáne Ádiletti Qazaqstan qaǵıdattaryn berik ustanyp otyrǵanyn kórsetedi. Jalpy, Joldaýda kóp baǵytty qamtıtyn jáne áleýmettik-ekonomıkalyq reformalardyń biryńǵaı júıesin quraıtyn júzden astam túrli ıdeıa men usynys aıtyldy.
Erlan QARIN,
Memlekettik keńesshi
