Foto: https://polisia.kz/
33 jastaǵy kúdiktiniń 8 bóten múlikti urlaýǵa qatysy bar ekendigi dáleldendi. Taǵy 12 qylmys boıynsha tıisti tergeý is-sharalary júrgizilip jatyr. Jyl boıy Selınograd polısııa bólimine Qaraótkel jáne Qoıandy aýyldarynyń turǵyndarynan elektr quraldaryn urlaý faktileri boıynsha ótinishter kelip tústi.
Tergeý barysynda belgili bolǵandaı, osyndaı ótinishter Qosshy qalasy men Arshaly aýdanynyń polısııa bólimderinde de tirkelgen. Jábirlenýshilerdiń aıǵaqtaryna sáıkes, belgisiz adamdar eldi mekenniń shetinde salynyp jatqan obektilerdiń aýmaǵynan elektr quraldaryn urlaǵan. Barlyq faktilerge qatysty QR QK-niń 188-baby 3-bóligi (Urlyq) boıynsha sotqa deıingi tergeý júrgizilip jatyr. Járiblenýshilerden túsken aryz, shaǵym boıynsha krımınaldyq polısııa qyzmetkerleri izdestirý jumystaryn nátıjeli júrgizip, uryny qamaýǵa aldy.
«Polısııa qyzmetkerleri elorda aýmaǵynda jáne Astanaǵa kirý-shyǵý kezinde ornatylǵan beınebaqylaý kameralarynyń derekterin muqııat zerdeledi. Jedel qyzmetkerler ótkizý pýnktterin tekserip, buryn múliktik qylmystar úshin sottalǵan adamdar men yqtımal kýágerlerden jaýap aldy. Qabyldanǵan sharalardyń nátıjesinde Astana qalasynda birqatar urlyq jasady degen kúdikpen 33 jastaǵy azamat ustaldy. Ol aýyldyq eldi mekenderge óziniń Lada Priora avtokóligimen kelip, ıeleri tıisti baqylaýsyz qaldyrǵan elektr quraldaryn áketip, sodan keıin satqany anyqtaldy. Keıinnen urlanǵan elektr quraldary elordanyń qurylys naryǵynda satylǵan. Tintý is-sharalary kezinde polıseıler elektr quraldarynyń 120-dan astam túrin tárkiledi, olardyń bir bóligin jábirlenýshiler tanyǵan. Qazirgi ýaqytta ustalǵan adamnyń 8 urlyqqa qatysty bolǵany dáleldengen, taǵy 12 fakt boıynsha tergeý áreketteri júrgizilip jatyr. Ury ýaqytsha ustaý ızolıatoryna qamaldy», delingen aqparatta.
