Buǵan deıin 2021 jyly qala bankteriniń biriniń qyzmetkerleri aldyn ala sóz baılasý arqyly bank klıentterine jalpy somasy 4 000 eýro jalǵan aqsha satqan.
Atalǵan fakt boıynsha tergeý júrgizildi, onyń nátıjesi boıynsha banktiń 5 qyzmetkeri kináli dep tanylyp, 5 jylǵa bas bostandyǵynan aıyrylǵan edi.
Bank qyzmetkerlerine jalǵan kýpıýra bergen azamatqa halyqaralyq izdeý jarııalanyp, naýryz aıynda ol Shvesııada ustalyp, Qazaqstanǵa ekstradısııalanǵan.
Maýsym aıynda kúdikti men onyń jubaıyna qatysty is sotqa jiberildi.
Sot úkimimen atalǵan adamdar kináli dep tanylyp, 5 jylǵa bas bostandyǵynan aıyryldy.
Qarjylyq monıtorıng agenttigi azamattardy saqtyq tanytýǵa jáne qolma-qol aqshany muqııat qaıta sanap alýǵa shaqyrady.
Jalǵan aqsha taýyp alsańyz, eń bastysy, ony satýǵa tyryspańyz.
QR QK 231-babyna sáıkes óz qarajatyn qaıtaryp alýǵa degen umtylys qylmystyq jaýapkershilikke ákelýi múmkin.
Jalǵan kýpıýra tapsańyz, dereý túrde turǵylyqty jerińiz boıynsha ekonomıkalyq tergep-tekserý departamentine nemese QR QMA call-ortalyǵyna habarlasyńyz.
