Tabıǵattyń tap bıylǵy tosyn minezi tirnektep tirlik jasaǵan jandar úshin asa bir táýir bolmaı tur. Sodan da shyǵar bıylǵa jemshóp daıyndaý naýqany jyldaǵydan baıaýlaý ári nashar ótti. Shabyttanyp shalǵy salatyn shóptiń ózi de suıyq, keı jerlerde ol tipti jaz bastalmaı qýrap ta qalǵan. Bar bolǵannyń ózinde ylǵal jetispeı, tarbıyp óspeı qaldy. Qunarlylyǵy da kemshin sekildi. Shabyndyq jer de burynǵydaı shalqyp jatqan joq, tarylǵan. Tehnıkanyń tozyńqyrap turǵany taǵy bar. Osyndaı sebepterge baılanysty jemshóp daıyndaý normasy oryndalmaı qalyp jatyr. Degenmen keı oblystar mal azyǵyn mezgilinde daıyndap, «endi murtymyzdy balta shaba qoımas» dep mańǵazdanady. Biraq bundaı berekeli óńirler, tipti saýsaqpen sanaýǵa da kelmeıdi. Artylǵanyn joq óńirlerge joǵary baǵamen saýdalap jatqandar da barshylyq. Kózin tapqandar baǵany kóterip, joqtan paıda kórsem dep jantalasý ústinde.
Al qat dúnıeniń qymbattaı beretini – saýda zańdylyǵy. Qalaı desek te qylyshyn súıretken qys – qyr astynda. Endi egisten qalǵan sabandy áýpirimdep talǵajaýlyqqa daıarlamasa, kóktiń de sarǵaıyp sola bastaǵanyn kóńildi basatyndaı. Qosh, sonymen óńirlerdegi tilshilerimiz, jemshóp qory men qazirgi baǵanyń jaǵdaıyna úńilip kórdi.
