Islam dini áý bastan óz ustanýshylaryn basqa din ókilderimen ózara dostyqta ómir súrýge shaqyrady. О́ıtkeni muny bizge qasıetti Quran mindetteıdi. Dinaralyq únqatysýdy arttyrý – jyl saıyn emes, tipti saǵat saıyn talqylanýǵa tıis taqyryp. Qazirgi kúni munyń mańyzy asa zor. О́ıtkeni búginde álem qarý jáne kúshtiń qoldanylýymen jasalyp jatqan aýyrtpashylyqtardy bastan keship otyr. Búkil dúnıe danalyqtyń daýysyna muqtaj. Sol arqyly álem óziniń tabıǵı qalpyna, aqıqat jolyna keledi. Bul daýys Qudaıdyń sózi jáne qaǵıdalary arqyly keledi. Ol zorlyq-zombylyq kórgender úshin eń ádiletti daýys bolady.
Árbir halyq óziniń mádenıeti men áleýmettik, saıası jáne qundylyqtar júıelerin ustanýǵa ári damytýǵa quqyly. Al ózge mádenıettermen turaqty aralasyp otyrý – óz mádenıetin damytatyn múmkindik. Sol arqyly ár halyqtyń rýhanı qundylyqtary jańarady, ózara dostyq qarym-qatynas qalyptasady.
Bizde barlyq dindi qosyp bir din jasaý degen nıet joq. Maqsatymyz – din kóshbasshylarynyń basyn qosý. О́ıtkeni biz ártúrli senimde bolsaq ta, ortaq qundylyqtarymyz ben ustanymdarymyz kóp. Árqaısymyzdyń boıymyzdan qarama-qaıshylyqtardy emes, uqsastyqtardy taba bilsek, bul ózara til tabysýǵa septigin tıgizeri sózsiz.
Nazır Muhammed
ál-Nazır Aıad,
Ál-Azhar Islamtaný akademııasynyń Bas hatshysy
