( VIII – VIV ǵǵ. )
Saıf Saraı
Aǵash kórki – jemis, adam kórki – jaqsy is.
Baqyttyń shalǵaıynan basyp, kúshtep ustap tura almaısyń.
Baǵy taıǵan balyqshynyń qarmaǵyna telegeı teńizde de túk ilinbeıdi.
Músápirdiń aqysyn jeme, tozaqta kúıersiń.
Aıaǵy synǵan kisige serýen ne sán.
Janjaldyń shoǵy qyzarsa, aqyldyń sýyn sep.
Aqyldy kóptiń kóńilin aýlar, kúnshil joqty daýlar.
Bilip istegen maqsatyna tez jetedi.
Patshalar ǵalymdardyń keńesine muqtaj,
Ǵalymdar patshalardyń keńesine muqtaj emes.
Kúshiń bizge jetkenmen, Qudaıǵa jetpeıdi.
Aqqan sý toqtamaıdy.
Janynan bezgen mysyq jolbarystyń kózin shyǵarady.
Qý tamaqtyń qamy bolmasa, qus tuzaqqa túspes edi.
Úsh nárse baıansyz: biri – saýdaǵa túspegen mal (dúnıe), ekinshisi – talasqa túspegen ǵylym, úshinshisi – saıasaty joq patsha.
Júrip ketseń – jetersiń, turyp qalsań – tynarsyń.
Tyrnaǵanmen temir taty ketpeıdi.
Týralyq – Haqtyń meıiri.
Máýesi kóp aǵashqa tas ta kóp tıedi.
Otty sóndirip, qozasyn qaldyrma,
Jylandy óltirip, balasyn qaldyrma.
Jol qıyndyǵyn júrgen biler.
Altyn bar jerde tas ta bar.
Amaly taýsylǵan dushpan shyn dostyqqa kóshedi.
Ákimi zalym bolsa, el azady.
Synalmaǵan kisige úlken jumys tapsyrǵan opyq jeıdi.
Qasharǵa jol tappaǵan qylyshqa jarmasady.
Oqtyń ózin alyp tastaǵanmen orny qalady.
Injýdiń qunyn izdegen biledi.
Jırenshe
Tórt nársede úmit bar: jas – ósemin dep úmitti, jalǵyz – kóbeıemin dep úmitti, jarly – baıımyn dep úmitti, aýrý – jazylamyn dep úmitti. Kóktemi men jazy ketip, japyraǵy qýarǵan aǵashtaı urty solyp sýalǵan kárilikte ǵana úmit joq.
- Bul jalǵan dúnıede kimniń tórt qubylasy teń sanalady?
- Túzý myltyq, alǵyr qyran, júırik aty bar, minez-qulqy jaıly jary bar erdiń tórt qubylasy teń bolady.
О́lseń de jaqsymen qatar jatqaısyń.
О́ziń bilmes isińdi – bilgenderden surap al,
О́lip jatsań nadannan qabirińdi jyraq sal.
Ákesi ólgen – asqar taýy qulaǵanmen birdeı,
Sheshesi ólgen – aǵar bulaǵy sýalǵanmen birdeı,
Aǵasy ólgen – oń qanaty qaıyrylǵanmen birdeı,
Inisi ólgen – sol qanaty qaıyrylǵanmen birdeı,
Apa-qaryndasy ólgen – órisi tarylǵanmen birdeı.
Atty men jaıaýdyń sálemi jaraspas.
О́tirik pen shyńdyqtyń arasy tórt-aq eli: kózben kórgen – shyn, qulaqpen estigen – ótirik.
Jylqy – maldyń patshasy, túıe – maldyń qasqasy.
Ajal degen – atqan oq, bir Allanyń qaqpany.
(Erbol Shaımerdenuly qurastyrǵan «Qazaq aforızmderi» kitabynan iriktelip alyndy).
