Jat eldiń boksshylaryna biz beker toqtalyp otyrǵan joqpyz. Sebebi 16 jeltoqsanda Anglııanyń Sanderlend qalasynda ótetin básekede jeńiske jetken boksshy kelesi jyly orta salmaqtaǵy IBF nusqasynyń altyn belbeýi úshin talasady. Al qazirgi kezde bul tujyrymnyń chempıondyq ataǵyn qazaq jigiti Jánibek Álimhanulynyń ıelenip otyrǵany málim.
Germanııanyń Keln qalasynyń týmasy Denıs Radovan – 31 jasta. 17 márte sharshy alańǵa shyqqan nemis sportshysy 16 ret jeńiske jetti. Taǵy bir básekede teń esep tirkeldi. Al 25 jastaǵy Andreı Mıhaılovıch Sankt-Peterbýrgte dúnıege kelgenimen qazir Jańa Zelandııanyń Oklend qalasynda turyp jatyr. Ol 20 kezdesýdiń birde-bireýinde utylǵan joq. 12 básekede aıqyn basymdyq tanytty. Qazirgi kezde bul boksshylar IBF reıtınginde ekinshi jáne úshinshi oryndardy ózara bólisýde.
