«Astana» óz alańynda Horvatııanyń «Dınamo Zagreb» klýbymen kezdesedi. Bul komandalar S tobynda oınaıdy. Olardan basqa, topta Chehııanyń «Vıktorııa Plzen» men Kosovonyń «Balkanı» komandalary bar. Qazir týrnır kestesinde chehııalyq komanda 4 oıynnan keıin 12 upaı jınap, kósh bastap keledi.
Ekinshi oryndy «Astana» ustap tur. Astanalyqtar 4 matchta 4 upaı jınady. Bir oıynda jeńip, bir matchta teń túsip, eki kezdesýde jeńilis tapty. Úshinshi oryndy «Astana» sııaqty bir oıynda jeńip, bir matchta teń oınap, eki kezdesýde qarsylastaryna ese jibergen «Balkanı» ıelenip otyr. Kosovonyń jasaǵynda 4 upaı bar. Al sońǵy orynda 3 upaı alǵan «Dınamo Zagreb» komandasy tur.
Eske sala ketsek, «Astana» syrt alańda «Dınamo Zagrebke» 1:5, óz alańynda «Vıktorııa Plzenge» 1:2 esebimen jeńildi. «Balkanıdi» Kosovoda 2:1 esebimen jeńse, óz alańynda 0:0 esebimen teń oınady.
Buǵan deıin «Astana» men «Dınamo Zagreb» 5 ret oınaǵan. Sonyń bárinde horvatııalyq klýb jeńgen.
Aıta keteıik, matchty búgin saǵat 21:20-da «Qazaqstan» ulttyq arnasynyń tikeleı efırinen kóre alasyzdar.
