Halyqaralyq sarapshylardyń oń baǵasy

Is-shara beıbitshilik kepili retinde Halyqaralyq dıalog jylyn jáne Adam quqyqtarynyń jalpyǵa birdeı deklarasııasynyń 75 jyldyǵyn atap ótýdi de maqsat etip otyr.

Brıfıngke qatysýshylarǵa Konstıtýsııalyq sot tóraǵasy Elvıra Ázimova, Prezıdent janyndaǵy Adam quqyqtary jónindegi komıssııa tóraǵasy Igor Rogov jáne Syrtqy ister mınıstriniń orynbasary Roman Vasılenko alǵy sózderin sóılep, Qazaqstannyń Ortalyq Azııadaǵy aýqymdy demokratııalyq jáne saıası reformalardy júrgizý­degi, sondaı-aq adam quqyqtaryn qorǵaý jónindegi iske asyrylyp jatqan bastamalardaǵy mańyzdy rólin atap ótti.

Adam quqyqtaryn qorǵaýdyń túrli salalaryndaǵy máselelerdi talqylaýǵa arnalǵan dıalog alańy BUU, EQYU, BUUDB, Qazaq­standaǵy HKU ókildigi, BUU Esirtki jáne qylmys jónindegi basqarmasy, BUU Balalar qory (IýNISEF) jáne Eýropalyq Odaq ókildigi sııaqty óńirlik jetek­­shi organdardyń ókilderin birik­tirdi. Dıalog aıasynda beı­bit­shi­likti qamtamasyz etýdegi sot tóre­liginiń róline jáne qazir­gi jahan­dyq syn-qaterler men ornyq­ty damý perspektıvalary aıasynda adam quqyqtaryn kóter­meleýdiń mańyzdylyǵy­na baıla­nysty ózekti máseleler talqylandy.

Elvıra Ázimova Konstıtý­sııa­lyq sot óz qyzmetinde quqyq ústemdigi men adam quqyq­ta­ryn qorǵaý qaǵıdattaryn berik ustanatynyn atap ótti. Bul saıasatty iske asyrýdyń mańyz­dy­lyǵy álemdik qoǵamdas­tyqtyń qatysý­shylary úshin týyn­daı­tyn táýe­kelderdiń jahan­­dyq ózgeristeri jaǵdaıyn­da erekshe mańyzǵa ıe bolady. Kons­tı­týsııalyq sot basshy­synyń pi­kirinshe, quqyqtyq syn-tegeý­rin­derge ýaqtyly den qoıý jáne zańdy qurmetteý memleket pen qoǵam­nyń ornyqty damýyna eleý­li úles bolyp sanalady.

Brıfıng barysynda Halyq­ara­lyq saraptamalyq qoǵam­das­tyq ókilderi Qazaqstannyń adam quqyqtaryn qorǵaý salasyndaǵy belsendi bastamalaryn, elimiz­diń ádil jáne ashyq qoǵam qurýǵa degen umtylysyn atap ótip, yntymaqtastyqqa daıyn eken­in bildirdi.