«Bolashaq» stıpendııasy ıegerleriniń tizimi baǵdarlamanyń saıtynda jarııalandy.
«Shetelde kadrlar daıarlaý jónindegi Respýblıkalyq komıssııanyń sheshimimen 167 Qazaqstan zamaty «Bolashaq»halyqaralyq stıpendııasynyń ıegeri atandy. Onyń ishinde 131 adam magıstratýrada, 4 adam doktorantýrada oqıdy, 32 azamat álemniń jetekshi joǵary oqý oryndary men óndiristik ortalyqtaryna taǵylymdamadan ótýge jiberiledi», delingen Bolashaq halyqaralyq baǵdarlamasynyń resmı saıtynda.
Bul rette stıpendıattardyń basym kópshiligi ınjenerlik-tehnıkalyq beıin baǵyttary boıynsha daıarlyqtan ótedi.
Oqytý 66 mamandyq boıynsha júrgiziledi.
Bıyl Memleket basshysynyń tapsyrmasy boıynsha «Bolashaq» baǵdarlamasyn qaıta baǵdarlaý boıynsha ınjenerlik-tehnıkalyq mamandardy daıarlaýǵa erekshe kóńil bólindi. Injenerler men medısına qyzmetkerlerine, magıstratýraǵa úmitkerlerge kvotalar engizildi. Olar oqýdy bastamas buryn 12 aıǵa deıin tildik daıyndyqtan óte alady, ol úshin stıpendııaǵa ótinish bergen kezde ýnıversıtetten shaqyrý qajet emes.
«Ádiletti Qazaqstannyń ekonomıkalyq baǵdary» Joldaýynda Memleket basshysy ǵylymı yntymaqtastyqty keńeıtý jáne agroónerkásiptik keshen, geologııalyq barlaý, IT-sektor, kreatıvti ındýstrııa jáne t. b. úshin kadrlar daıarlaý jóninde tapsyrmalar berdi. Bul baǵyttar suranysqa ıe jáne ózekti, biz úmitkerler sanyn kóbeıtý, shákirtaqy alý jáne osy baǵyttar boıynsha mamandardy daıyndaıtyn JOO izdeý jumystaryn júrgizdik», dedi «Halyqaralyq baǵdarlamalar ortalyǵy» AQ basqarma tóraǵasy Álııa Ospanova.
Úmitkerler University of Aberdeen, University of Illinois at Urbana-Champaign, Australian National University, University of Oxford sııaqty álemdik reıtıngter qataryna kiretin joǵary oqý oryndaryna tústi. «Aqparattyq tehnologııalar jáne júıeler», «Úlken derekterdi taldaý», «Qurylys ınjenerııasy» jáne «Geologııa. Taý-ken isi. Geodezııa» sııaqty mamandyqtar úmitkerlerdiń úlken qyzyǵýshylyǵyn týdyrady.
Sondaı-aq shetelde kadrlar daıarlaý jónindegi Respýblıkalyq komıssııanyń sheshimimen Qazaqstannyń 481 azamaty álemniń jetekshi ǵylymı ortalyqtarynda ǵylymı taǵylymdamadan ótý úshin grant ıegeri atandy. Stıpendıattar 9 baǵyt boıynsha zertteýler júrgizedi: ınjenerlik ǵylymdar, jaratylystaný ǵylymdary, gýmanıtarlyq sala, agroónerkásiptik keshen, aqparattyq-kommýnıkasııalyq tehnologııalar, áleýmettik ǵylymdar, bilim, medısına, óner.
