Osy oqıǵaǵa oraı oblystyq Polısııa departamentiniń basshysy, polısııa polkovnıgi Arman Orazalıev shuǵyl baspasóz-konferensııasyn ótkizdi.
«Oblysta jol qaýipsizdigi boıynsha tótenshe jaǵdaı bolyp tur», dep málimdedi polısııa bastyǵy. Mundaı jaǵdaı keıingi 5 jylda bolmaǵan. Salystyrý úshin aıtsaq, 10 kún ishinde bolǵan jol-kólik oqıǵalary ótken jyldyń 2 aıynyń kórsetkishimen teńesip otyr.
5 qańtarda Oral qalasyna irgeles jatqan Vetelkı aýylynda avtokólikke súıretpe tirkep syrǵanap, tirkemede otyrǵan 17 jastaǵy boıjetken qaza tapty. Al 6 qańtarda Oral qalasynda «Okrýjnoe shosse» aınalma jolynda 3 avtokólik soqtyǵysyp, 1 adam qaıtys boldy. Kelesi kúni «Oral-Atyraý» respýblıkalyq mańyzy bar avtojolynyń 62-shaqyrymynda «Shevrole Neksııa» avtokóliginiń júrgizýshisi qarsy kele jatqan «Toıota Ipsým» markili avtokólikke soqtyǵysyp, saldarynan 3 adam dúnıe saldy, 8 adam dene jaraqatyn aldy.
Sol kúni «Qaztalov-Jánibek» avtojolynda «VAZ-2110» avtokóliginiń júrgizýshisi qarsy kele jatqan «Shevrole Lachetı» avtokóligimen soqtyǵysyp, 1 adam qaza tapty. «Bul jol apatynyń barlyǵy júrgizýshilerdiń qarsy jolaqqa shyǵyp ketýinen bolǵan, oǵan dálel beınejazbalary bar», deıdi A.Orazalıev.
Taǵy bir jol apaty 9 qańtar kúni «Chapaı-Jańaqala-Saıhyn» oblystyq mańyzy bar tas jolynyń 103-shaqyrymynda tirkeldi. Jantúrshigerlik apat saldarynan 5 adam qaza tapty. Bir otbasy músheleriniń ómiri qıyldy. Bir kishkentaı sábı dene jaraqatyn alyp, aýrýhananyń jansaqtaý bóliminde jatyr.
«Bul jerde de júrgizýshi qarsy jolaqqa shyǵyp, qarsy kele jatqan kólikke soqtyǵysqan. Onyń ústine, avtokólik jazǵy dóńgelegin aýystyrmaǵan», deıdi polısııa basshysy.
Oblys aýmaǵyndaǵy barlyq respýblıkalyq mańyzy bar avtojoldarda patrýldik polısııa qyzmetkerleri júredi. Júrgizýshilerdiń kópshiligi patrýldik avtokólikti kórgen kezde jyldamdyqty azaıtyp, jol erejesin saqtaıdy. Al odan ótisimen «tizgindi jiberip» alatyny ótirik emes. Sonda jol qaýipsizdigi kim úshin kerek?! Polısııa ár shaqyrym saıyn patrýl qoıa almaıdy. Jolda júrý mádenıetin qalaı qalyptastyramyz? Mine, bul úlken másele bolyp tur.
Batys Qazaqstan oblysynda respýblıkalyq mańyzy bar avtojoldarǵa kúndelikti 47 patrýldik avtokólik shyǵady eken. Olar barynsha jol qaýipsizdigin qamtamasyz etedi. Munyń ishinde avtomatty rejimde jumys isteıtin 3 «Kıbersherıf» júıesi bar. A.Orazalıev bıyl taǵy osyndaı 17 kólik alýdy josparlap otyrǵanyn jetkizdi.
О́ńirde orta eseppen kúndelikti 100-150 ákimshilik hattama toltyrylyp, 500 myńnan 1,5 mln teńgege deıin aıyppul salynady. 2023 jyly oblysta 445 jol-kólik oqıǵasy bolyp, onyń saldarynan 107 adam qaza tapqan. 540 jolaýshy ártúrli dárejede jaraqat alǵan.
Batys Qazaqstan oblysy
