FOTO: stan.kz
Ekonomıkamyz qalypty damý úshin júzege asyrylyp jatqan jobalardyń nátıjeliligi men tıimdiligi mańyzdy. Suhbatta Prezıdent ekonomıkamyzdy ilgeriletý jolynda birneshe baǵytty aıqyndady.
Birinshiden, aýqymdy ónerkásip jobalaryn júzege asyrý. Bul baǵytta júıeli jumys júrgizilip jatyr. Endi jobalarǵa taldaý jasalyp, olar ınvestorlar, sarapshylar jáne bıznes ókilderiniń qatysýymen pysyqtalady. Memleket qoldaý kórsetedi.
О́ńdeý ónerkásibi kásiporyndaryn otandyq shıkizatpen qamtamasyz etý týraly zań normasyn jaqynda Parlament Májilisi maquldady. Zańsyz shyǵarylǵan aktıvter elge qaıtarylyp jatyr. Bul da áleýmettik-ekonomıkalyq jaǵdaıymyzdy jaqsartýǵa oń áserin tıgizip keledi. Buǵan qatysty Parlament tıisti zań qabyldady. Ekonomıkamyzda basty mindettiń biri – ınvestısııa tartý. Osyǵan baılanysty Investısııalyq shtab qurylyp, ınvestısııalyq ahýaldy jaqsartý úshin aýqymdy ókilettilik berildi.
Ekinshiden, Prezıdent ınvestorlarǵa qolaıly jaǵdaı jasaýmen qatar, bıýdjet kirisiniń azaıyp ketpeýine erekshe mán berip otyr. Buǵan Parlament Májilisinde talqylanyp jatqan Bıýdjet kodeksiniń alatyn orny erekshe. Bul oraıda depýtattar bıýdjet qarajatynyń maqsatyna saı jumsalýyn, tıimdiligin qamtamasyz etýge, kvazımemlekettik sektor sýbektileriniń tıimdiligin arttyrýǵa, dıvıdendterdi tolyq tóleýge baǵyttalǵan usynystar engizdi.
Bul turǵyda Parlament Májilisinde jan-jaqty talqylanyp jatqan Memlekettik satyp alý týraly zań jobasy da úlken ról atqarady. Memlekettik satyp alýǵa qoǵamdyq baqylaý ornatýdyń da qajettiligi zor.
Jańa Salyq kodeksi ázirlenip jatyr. Bul qujat memleket pen bıznestiń qarym qatynasyn qaıta qaraýǵa múmkindik bermek. Kásipkerlik pen básekelestikti damytý, jekemenshikti qorǵaý óte mańyzdy. Bul baǵytta Prezıdent tapsyrmasyna sáıkes naqty jumystar atqarylyp keledi. Atap aıtatyn bolsaq, jaqynda Parlament Májilisi kásipkerlik qyzmetti jaqsartýǵa, kedergilerdi alyp tastaýǵa, memlekettik baqylaý men tekserý júıesin retteýge baılanysty bıznesti júrgizý máseleleri týraly zań jobasyn maquldap, Senatqa jiberdi. Ekonomıkamyz damysa, halyqtyń ál-aýqaty jaqsarady. Bıýdjetke túsetin kiris ulǵaıady. Bul baǵytta jumys júıeli bolýy qajet.
Nurtaı SABILIаNOV,
Májilis depýtaty
