Memleket basshysy Qasym-Jomart Toqaevtyń tapsyrmasy boıynsha ázirlengen Astananyń negizgi qala qurylysy qujaty qoǵamda keńinen talqylaýdan ótti. Bas josparda halyq sanynyń qarqyndy ósýin eskere otyryp, qalany qarqyndy damytý sharalary qarastyrylǵan. Búgingi tańda elorda turǵyndarynyń sany – shamamen 1,2 mln, 2035 jylǵa qaraı bul kórsetkish 2,3 mln-ǵa óspek.
Bas josparda 164 mektep, 178 balabaqsha jáne 93 densaýlyq saqtaý mekemesiniń qurylysy qarastyrylǵan. 2029 jylǵa deıin 15 zamanaýı oqýshylar saraıy salynady. Munyń barlyǵy jergilikti bıýdjet pen jeke ınvestısııalar esebinen qarjylandyrylady.
Elordanyń turǵyn úı qoryn 68,2 mln m2-qa deıin, al jol jelisiniń uzyndyǵyn 1000 km-ge 2,5 myń shaqyrymǵa deıin ulǵaıtý josparlanyp otyr. Qoǵamdyq kóliktiń balamaly túrlerin damytyp, negizgi magıstraldarda, ásirese Esil aýdanynda keptelisterdi jeńildetý úshin bes iri kópir salý josparlanǵan.
Sý tutyný kóleminiń ósýin eskere otyryp, Ertis – Qaraǵandy kanalynan tartylatyn sý qubyrymen táýligine 210 myń tekshe metrge №4 sorǵy-súzgi stansasy salynady. Bul rette tehnıkalyq sýmen qamtamasyz etý úshin óndiristik qýaty táýligine 160 myń tekshe metrge deıin jetetin «Telman» sorǵy stansasyn keńeıtý kózdelgen.
Jylý jáne elektr energııasy boıynsha 3-JEO-nyń ekinshi kezegin, tórt jańa gaz jylý stansasyn salý jáne 2-JEO-ny keńeıtý, sondaı-aq 110/10 kV 14 qosalqy stansany iske qosý josparlanǵan.
Gazben jabdyqtaý máselelerin sheshý úshin qoldanystaǵy AGTS-1 jáne AGTS-2 avtomattandyrylǵan gaz taratý stansalarynyń qýaty ulǵaıtylady, sondaı-aq uzyndyǵy 71 myń shaqyrymnan asatyn jańa tarmaq boıynsha «Saryarqa» magıstraldyq gaz qubyryna qosylatyn AGTS-3 salyndy.
Sonymen qatar ótken jyly qosymsha 2 700 gektar jer bólingen Astananyń «jasyl beldeýin» damytý jalǵasady, onda, sondaı-aq qoǵamdyq jáne aýla aýmaqtaryn abattandyrý sharalary qabyldanady.
2025 jylǵa deıingi Bas jospardy iske asyrýǵa barlyq qarjy kózderinen tartylǵan ınvestısııa kólemi 6,3 trln teńgeni quraıdy. Onyń 4,3 trln teńgesi turǵyn úı qurylysyna jeke ınvestısııalar, 700 mlrd teńgesi ınfraqurylymdyq jobalarǵa tıesili.
