Janat Kóshenov kóshin bastaǵan bul top ózderi oılap tapqan dárilik zattardy zerttep, jetildirý ústinde júr. El ǵylymyna erekshe serpin bergen jas ǵalymdar shetelden bilim alyp kelgen. Sheteldik ǵylymı jáne óndiristik ortalyqtarda zertteý-óńdeý jumystaryn meńgergen.
– Bul jaqta jańadan tabylǵan ósimdik preparattaryn qazir mı aýrýlaryna, parkınson, alsgeımer aýrýlaryna qarsy tekserip jatyrmyz. Tabıǵı taza dáriler óndiremiz. Jalpy, shetelde alǵan bilimimizdi paıdalanyp, otandyq farmasevtıkany damytýǵa úles qossaq deımiz, – deıdi halyqaralyq ǵylymı-óndiristik keshenniń ǵylymı qyzmetkeri Janat Kóshenov.
Bul erekshe preparattarǵa qajetti bıologııalyq shıkizat negizinen ósimdikterden alynady. PhD Ásel Amanjan ǵylymı ortalyqta 8 jyldan beri jumys istep keledi. Ol elimizde ósetin ósimdikter arasynan tabıǵı shıkizat kózderin zerttep, bıologııalyq belsendi qosylystardy bólip alý jumysynda tyń jetistikterge jetken bilikti maman. Qazir ol óndirýge qajetti sýbstansalardyń jańa túrlerin synaqtan ótkizý maqsatynda sheteldiń ǵylymı zertteý ınstıtýttarymen únemi baılanysqa shyǵyp otyrady.
– 2023 jyly Máskeý qalasynda Sıdjenov atyndaǵy medısına ýnıversıtetiniń ınstıtýt formasııasynda professor Krasnıýktiń qol astynda tabıǵı qosylystardan sýda erigishtik komplekster alyndy. Bizde sýbstansa retinde qoldanylady. Osyǵan baılanysty osy aıda Novosibir ınstıtýtyna issapar bolady, – dedi halyqaralyq ǵylymı-óndiristik keshenniń zerthana meńgerýshisi Ásel Amanjan.
Álem shıpa taba almaǵan parkınson dertine daýa bolar preparatty oılap tapqan otandyq ǵalymdar úlken zertteýden keıin, ony óndiriske engizedi.
