Ostındegi Tehas ýnıversıtetiniń (UT Austin) zertteýshileri adamnyń oıyn oqyp, dereý mátinge aınaldyratyn júıe jasap shyǵardy. Ǵylymı derekter «Nature Neuroscience» mamandandyrylǵan jýrnalynda jarııalandy.
Jasandy ıntellekt júıesi «semantıkalyq dekoder» dep atalady. Oıdy oqý tehnologııasynyń ereksheligi – mıǵa ımplantasııa jasaýdyń qajeti joq. Zertteýshiler fýnksıonaldy magnıttik-rezonanstyq tomografııany qoldanady. Iаǵnı mı qyzmetiniń ınvazıvti emes jazbalaryn jazady. Olar 16 saǵat boıy 3 adamdy sóıletip, jasandy ıntellektige tyńdatyp, eksperıment jasaǵan. Sonda jasandy ıntellekt adam mıynyń sózder tizbegine qalaı jaýap beretinin dálme-dál boljaǵan. Demek ol mıda júrgen oılardy sózbe-sóz túsirmeıdi, tek túsindirip beredi.
Bul jańalyq óz oıyn durys jetkize almaıtyn adamdy túsinýge múmkindik beredi. Dekoder jumysynyń sáttiliginiń kilti – adamnyń úderiske erikti qatysýynda. Oı oqý úderisin teris maqsatta qoldanbaý úshin ǵalymdar jobaǵa barynsha muqııattylyqpen qaraǵan.
– Mıdy oqytý kezinde qarsylyq kórsetkender, mysaly, berilgen taqyryp týraly emes, basqa nárse týraly oılaýǵa ádeıi tyrysqandar dekoderdiń oıǵa qol jetkizýine tosqaýyl qoıa aldy. Muny ǵalymdar júıeniń artyqshylyǵy dep sanaıdy. Oıdy kúshpen oqýdan saqtap, jeke ómir qupııalylyǵyn qorǵaıdy, – deıdi zertteýdiń jetekshi avtory Djerrı Tang.
Qazir zertteýshiler dekoderdi zerthanalyq ortadan tys tájirıbelik maqsatta qalaı paıdalaný kerektigi týraly oılanyp júr.
