Parsy elinde 12 sportshymyz jeńis tuǵyryna kóterildi. Davıd Efremov (60 metrge kedergiler arqyly júgirý), Elızaveta Matveeva (bıiktikke sekirý) jáne 4h400 estafetalyq saıysta erler men áıelder quramasy bas júldeni jeńip alsa, Olga Safronova (60 metr) men Ivan Ivanov (ıadro laqtyrý) kúmis medaldy moınyna ildi. Al Aıana Bolatbekqyzy (1500 metr), Aqbaıan Nurmámet (800 metr), Marııa Efremova (qarǵyp sekirý), Alına Chıstıakova (bessaıys), Efım Tarasov (400 metr) jáne Maksım Frolovskıı (3000 metr) qolaǵa qol sozdy. Nátıjesinde, 4 altyn, 2 kúmis jáne 6 qolany ıelengen jerlesterimiz jalpy komandalyq esepte úzdikter sanatyna qosyldy.
Byltyr Astanada ótken dál osy jarysta Qazaqstan quramasy 6 altyn, 6 kúmis, 3 qolany enshilep, jarys kestesinde ekinshi orynǵa jaıǵasty. Ol kezde jeńil atletterimiz tek japondardan (6 altyn+5 kúmis+4 qola) ǵana qalyp qoıdy.
