Foto: Dmıtrıı Belıskıı
Qarjy vıse-mınıstri eski kólikterge qatysty másele kóterilip jatqanyn, halyqqa túsetin júktemeni azaıtýǵa baǵyttalǵan basqa da usynystar talqylanyp jatqanyn aıtty.
«Kólikke qatysty jumys toby tıisti talqylaý ótkizdi. Biz bul máseleni «Atameken» ulttyq kásipkerler palatasymen Úkimet deńgeıinde qarastyryp jatyrmyz. Resmı málimdeme jasaýǵa áli erte, óıtkeni naqty sheshim áli qabyldanǵan joq. Biz 20-30 jyl paıdalanyp kele jatqan eski kólikke qatysty másele kóterip jatyrmyz. Máselen, túzetý koeffısıentin qoldanýdy usyndyq, ıaǵnı olarǵa jańa avtomobılge arnalǵan stavka boıynsha salyq salynbaıdy. Sonymen qatar halyqqa júktemeni azaıtýǵa baǵyttalǵan basqa da usynystarymyz bar. Tym qymbat kólikterge sán-saltanat salyǵy salynbaq. Osy arqyly salyq júktemesin qaıta bólý múmkindigi pysyqtalyp jatyr», dep túsindirdi E. Birjanov.