Ol Jánibektiń anasyn izdep júrip, 2004 jyly qylmystyq quramnyń da bolǵanyn oılamaǵan jerden anyqtalǵanyn atap ótken.
«Negizi qylmysker emes, týǵan anasyn izdep júr edik qoı... Jánibektiń qujatynda týǵan anasy dep jazylǵan áıel 2023 jyldyń jeltoqsanynda tabylǵan, biraq bala basqa sııaqty (aýysyp ketken), óıtkeni birneshe DNQ analız teris shyqty.
Janı Savelevtiń, ıaǵnı Jánibek Jumaǵulovtyń týǵan anasyn izdeý barysynda QR Qylmystyq Kodeksiniń 135-baby: «Kámeletke tolmaǵandar saýdasy» boıynsha qylmystyq is qozǵalyp, Arqalyq qalasyndaǵy Polısııa basqarmasynyń tergeýshileri kún-tún demeı jumys istep otyr», dep jazdy ol.
Aıtýynsha, áıelderden DNQ analızi alynyp, klınıkaǵa tapsyrylyp jatyr. Arqalyqta 6 naýryzda Polısııa basqarmasynyń basshylyǵy halyq aldynda esep bergen eken. Sol jıynda Jánibektiń de máselesi aıtylǵan. Derekkózi @araily_arkalyk jáne «Araıly Arqalyq» youtube arnasy.
«Bul máseleni kótergen azamatqa da alǵys aıtamyz, tanysańyzdar, belgilep ketińizder. Jýrnalıstik zertteý barysynda belgııalyq áıelmen jeke sóılestik. Sóz arasynda «Bala asyrap alǵanda zań buzylǵan joq pa?» degen de suraq qoıyldy. Ol kisi «Belgııa tarapynan zań buzylǵan joq» dedi de, Qazaqstanǵa qatysty bir adamnyń aty-jónin atap, bala asyrap alý úshin, sol kisige bálenbaı myń eýro bergenin, óz elinde otyryp Jánibektiń fotosy men málimetin alǵanyn, sodan keıin ǵana jolǵa shyqqanyn málimdedi. Bul dıalog resmı túrde zańdastyrylyp, zań organdaryna tapsyryldy.
Jalpy Jánibekke, tastandy balalar taǵdyryna qatysy bolýy múmkin degen adamdardyń bári qazir bar, kózi tiri, bilýimizshe, tek 1 maman ómirden ótken. Tipti medısına salasynda 40 jylǵa jýyq eńbek etip kele jatqan mamandardyń da Jánibekke qatysty resmı qujattarda aty atalǵan, laýazymy jazylǵan, qoly qoıylǵan», deıdi ol.
