HALYQARALYQ IS-ShARALAR AIаSY KEŃ

Syrtqy ister mınıstrliginde atalǵan vedomstvonyń resmı ókili Asqar Abdrahmanovtyń qatysýymen dástúrli brıfıng ótti. Brıfıng barysynda resmı ókil EQYU-nyń Is basyndaǵy tóraǵasy, Memlekettik hatshy – Syrtqy ister mınıstri Qanat Saýdabaevtyń Qyrǵyzstanda qalyptasqan jaǵdaılarǵa baıla­nysty málimdemesin oqyp berdi. A.Abdrahmanovtyń aıtýyn­sha, EQYU-nyń Is basyndaǵy tóraǵasy Qanat Saýdabaev Qyrǵyzstandaǵy jaǵdaıdy retke keltirý maqsatynda Parlament Májilisi Tóraǵasynyń oryn­basary Jánibek Káribjanovty jáne BUU hatshylyǵynyń qaq­tyǵystardyń aldyn alý jónin­degi ortalyǵynyń jetek­shisin arnaıy ókil retinde jibergen. Budan keıin resmı ókil taıaý kúnderge josparlanǵan is-sharalar barysy jóninde aıtty. Máselen, keshe, 14 maýsymda Vena­da Qazaqstan tóraǵalyǵy­nyń basshylyǵymen qaýipsizdik salasyndaǵy máselelerge sholý jónindegi Eýropadaǵy qaýipsizdik jáne yntymaqtastyq uıymynyń jyl saıynǵy konferensııasy bastalypty. Bul shara barysyn­da atalǵan uıymǵa múshe elderdiń transult­tyq qaýip-qaterlerge qarsy kúrestegi yntymaqtasty­ǵynyń ahýaly men keleshegi, qaýipsizdik pen senim sharalaryn nyǵaıtý, Uıymnyń qaqtyǵystar­dyń al­dyn alý men eskertýdegi jáne boldyrmaýdaǵy róline qatysty máseleler talqylanady. Al 15-17 maýsym kúnderi Lon­donda ótetin “Qazaqstan: damýdyń jańa kókjıekteri” atty jyl sa­ıynǵy besinshi halyq­aralyq fo­rýmǵa jáne Qazaqstan-Brıta­nııa saýda-ónerkásip keńe­si­niń kezekti 14-shi otyrysyna Qazaq­stan Pre­mer-Mınıstriniń birinshi oryn­ba­sary О́mirzaq Shókeev bastaǵan otandyq delega­sııa qatyspaq. Budan keıingi kezekte resmı ókil 17 maýsymda elimizdiń Ekono­mı­kalyq damý jáne saýda mı­nıstri Janar Aıtjanova bastaǵan otandyq delegasııanyń Peterborda ótetin TMD Ekono­mıkalyq keńesi­niń 46-shy otyry­syna qatysaty­nyn, onda ózara ekonomıkalyq árip­testikti nyǵaıtý máseleleri qara­latynyn atap ótti. Brıfıng barysynda sondaı-aq, 17-18 maý­sym araly­ǵynda Venada Adam saýdasyna qarsy alıanstyń 10-shy kon­feren­sııasy ótetindigi aıtyldy. “Al 18 maýsymda Eýropalyq Odaqpen saıası dıalog ornatý kestesine sáıkes, Brıýsselde “Qazaqstan-Eýropalyq Odaq” Yntymaqtastyq komıtetiniń kezekti 10-shy otyrysy ótedi. Onda Qazaqstanyń Eýropalyq Odaqpen strategııalyq áriptes­tikti odan ári damytý máseleleri qaralmaq”, dedi resmı ókil. Láıla EDILQYZY.