Qazirdiń ózinde bıýdjetten tys qarajat esebinen 71 otbasyna keltirilgen zalal óteldi. О́tken aptada Aqtoǵaı aýdanynyń Jalaýly aýylynda jergilikti aýqymdaǵy tótenshe jaǵdaı rejimi jarııalanǵan edi. Atalǵan eldi mekende 14 úı topan sýdyń astynda qaldy. Aýyldyń oıpań jerinde ornalasqan jáne sý basý qaýpi joǵary úılerdi sý basý máselesin sheshý úshin óńirlik jedel shtabpen syıymdylyǵy 200 myń tekshe metr bolatyn 3 qazanshuńqyr qazý týraly sheshim qabyldandy. Nátıjesinde, aýyldy sý basý máselesin keshendi túrde sheshýge múmkindik týyp, qaýiptiń beti birjola qaıtty.
Buǵan qosa sáýir aıynyń basynda Ertis aýdany Uzynsý aýylyna tasqyn qaýpi tónýine baılanysty respýblıkalyq mańyzy bar «Atameken – Ertis – Rýsskaıa polıana» avtojolynyń 207 shaqyrymy buzyldy. Erigen qar sýy sol arqyly aǵyzyp jiberildi. Jeksenbi kúni atalǵan jol bóligi qaıtadan qalpyna keltirilip, kólikter qaıta júre bastady.
О́ńirlik tótenshe jaǵdaılar departamentinen habarlaǵandaı, qazirgi sátte Aqtoǵaı, Sharbaqty, Tereńkól aýdandary boıynsha 3 ýchaske baqylaýda tur.
«Sý tasqynyna qarsy jumystar – aıaqtalý satysynda. Aqtoǵaı aýdanyndaǵy 2 turǵyn úı sý astynda qalyp otyr. Oblys boıynsha sý tasqynyna qarsy is-sharalarǵa barlyǵy 59 adam, 28 birlik tehnıka, 12 motopompa jumyldyryldy. О́tken táýlikte 90 myń tekshe metrden asa erigen sý sorylyp, 744 tonna ınertti materıal tógildi», dep málimdedi departamentten.
О́ńirdegi jaǵdaı turaqtalýyna baılanysty pavlodarlyq qutqarýshylar kórshiles Soltústik Qazaqstan oblysyna kómekke attandy. Barlyǵy 53 adam, qajetti qutqarý jabdyqtary men júzý quraldary bar 10 tehnıka shyqty.
Pavlodar oblysy
