О́ńirde qardyń erýi, jergilikti ózenderdiń tasý kezeńi aıaqtaldy. Endi transshekaralyq Jaıyq ózenindegi sý tasqyny alańdatyp tur. Juma kúni Oral qalasynyń tusyndaǵy gıdrobekette sýdyń dengeıi 736 sm boldy. Sońǵy bir táýlik ishinde ózen sýy 8 sm kóterildi.
Reseılik áriptesterdiń deregi boıynsha, Jaıyq ózeni Orynbor qalasynda buryn-sońdy bolmaǵan deńgeıge kóterilip, sý deńgeıi 1115 sm bolǵan. Bir táýlik ishinde ózen sýy 55 sm kóterilgen. Jáne sýdyń qaıtýy áli baıqalmaı tur.
«Batys Qazaqstan oblysy aýmaǵyna mol sý 4-5 kúnde keledi, Jaıyqta sý tasqynynyń shyńy 17-19 sáýirde bolýy kútiledi», delingen sý tasqynyna qarsy kúres boıynsha boıynsha qurylǵan jedel shtab málimdemesinde.
Búginde Reseıdegi Irekli sý qoımasynan Jaıyq ózenine sekýndyna 902 sharshy metr sý jiberilip jatyr.
Sońǵy táýlikte Shaǵan ózeniniń deńgeıi Chývashın gıdrobeketinde 962 sm bolyp, sý deńgeıi táýlik ishinde 112 sm-ge túskenin kórsetti.
Qazir oblysta 830 saıajaı úshin sý basyp tur. Tasqyn sý 63 jerde avtojoldardy búldirip ketti. 9 eldimekenmen jol qatynasy úzilgen.
Búginge deıin oblysta 13 068 adam qaýipsiz jerge kóshirildi, onyń ishinde 19 múgedek, 5 472 bala bar. Ýaqytsha evakýasııalyq beketterde 1 819 adam turyp jatyr, 877-si – bala. 11 249 adam týma-týysyn panalaǵan. Tasqyn sýdyń beti qaıtqan aýmaqtarda 4 886 turǵyn qazir óz úılerine qaıta oraldy.
Tabıǵı apat kezinde 2 402 bas mal shyǵynǵa ushyraǵan. Adam aman.
Bul kúnderi memlekettik áýe quraldary arqyly 17 000 kg gýmanıtarlyq kómek tasymaldansa, 60 000 kg júk avtokólikpen, 134 000 kg járdem temirjol arqyly kelgen.
Sý tasqyny bastalǵany tótenshelikter men jergilikti kommýnaldyq qyzmet kúshteri 1 020 myń tekshemetr qar sýyn soryp úlgergen. Qazir 3 175 myń tonna ınertti materıal, 363 myń qapshyqtan sýdyń jolyna bóget jasalyp, mundaı qorǵannyń jalpy uzyndyǵy 60 shaqyrymǵa jaqyndady.
Qazir Batys Qazaqstan oblysynda apattyq-qutqarý jáne basqa da shuǵyl jumystardy júrgizý úshin 6 óńirden qosymsha kúsh pen qural tartylǵan. Iаǵnı Almatydan Qorǵanys mınıstrliginiń №61993 jáne №18404 áskerı bólimderinen – 100 adam;
- Aqtóbe oblysy Tótenshe jaǵdaılar departamentiniń jeke quramynan 28 adam, 5 tehnıka (vahtovka), 2 júzý quraly jáne TJM-ne qarasty №20982 áskerı bóliminen – 30 adam, 2 tehnıka;
- Qyzylorda oblysynan - Qorǵanys mınıstrliginiń №66597 áskerı bóliminen – 200 adam, 15 kamaz, 6 toıota pıkap kelip jetti.
Sondaı-aq Qostanaı oblysynan –TJM №52859 áskerı bóliminen – 65 adam, 5 tehnıka, 2 motosorǵy, 2 júzý quraly;
- Qyzylorda oblysy jeke quramynan 30 adam, 2 tehnıka, 10 motosorǵy, 4 qaıyq, apattar medısınasy ortalyǵynan 4 qyzmetker, 1 tehnıka (gazel);
- Túrkistan oblysy TJD jeke quramynan 31 adam, 2 tehnıka, 10 motosorǵy, 2 qaıyq jolda kele jatyr.
Bularǵa qosa Almaty oblysynan da Qorǵanys mınıstrliginiń №32363 áskerı bóliminen – 254 adam kelýi tıis.
Búgingi tańda «Qazsýshar» mekemelerine qarasty sý qoımalary ortasha alǵanda 76,4%-ǵa toltyrylǵan.
Fılıal Reseı Federasııasynyń Orynbor jáne Saratov oblystarynyń sý sharýashylyǵy qyzmetterimen kúndelikti aqparat almasyp otyr.
Orynbor oblysynda ornalasqan Irekli sý qoımasynan Jaıyq ózenine jiberilip jatqan sý mólsheri 12-sáýirdiń 16:00-saǵatynda sekýndyna 720 tekshemetr bolǵan. Iаǵnı birte-birte azaıyp keledi.
Jaıyq ózeniniń deńgeıi saǵat 16:00-de 736 sm bolyp tur, qaýipti deńgeı – 850 sm. Sý tasqyny basynan beri ózen deńgeıi jalpy 6 metrge kóterildi.
