«Adam záýzaty úırengish keledi ǵoı. Onyń teris áseri de joq emes. Sonyń sebebinen keı kisiler óz boıynan, ıakı kıiminen shyǵyp turǵan jaǵymsyz ıiske de úırenip alady. Ony ózi sezbegenimen, aınalasy tyjyrynady. Jan tazalyǵy da sondaı nárse. Keýdeńdegi janyńdy pendeliktiń batpaǵynan únemi arshyp otyrmasań, bittim deı ber. Sondyqtan árbir aqyl ıesi ózi úshin jasap jatqan qareketiniń tutas qoǵamǵa áser etetinin bilýi kerek hám soǵan saı jaýapkershilik te bolýǵa tıis», deıdi ol.
Qudaı-aý, Sadhýrýdyń sóziniń artynda Shákárimniń danalyǵy syǵalap tur ǵoı:
«Erinshek taza júre almas,
Kir-qońyn jýa almas.
Qareket joq, ǵylym joq,
О́z boıynan uıalmas».
Iá, úndiniń de, qazaqtyń da aqsaqaly bir dúnıeni aıtyp tur. Sebebi aqıqat degen kún emes pe? Ol tek ártúrli terezeden túse beredi. Másele onda emes, másele – hakimderdiń aıtqan hıkmetinde. Ras, Abaı aıtpaqshy, bizdiń boıymyz da «ınedeıin taza emes, arshyp alyp tastaıtyn apandaǵy saz emes». Alaıda súrtken saıyn jez quman da jyltyramaı ma? Tán monshasynda súıegimizdi qyzdyrǵandaı, jan monshasynda dál solaı júregimizdi qyzdyrsaq qoı...
