Aqparattar aǵyny

*«Azyq-túlik kelisim­shart korporasııasy» UK» AQ «QazMaqta» AQ-tyń 100% ak­sııasyn satady. Qurylymnyń baspasóz qyzmeti habarlaǵandaı, bastapqy baǵa 3 380 051 579 teńge bolyp otyr. Aýksıonǵa qatysýǵa arnalǵan ótinim ústimizdegi jyldyń 5 aqpanyna deıin qabyldanady. *-Elimizde Ońtústik Ko­reıa kompanııasy qýaty 310 megavatqa jetetin JES salatyn boldy. Osy­ǵan oraı bekitilgen kelisim­shart­tyń quny 308 mln. dollar­dy quraǵan. Stansa Kas­pıı teńiziniń soltústik jaǵa­laý­ynda ornalaspaq. *«Joǵary oqý ornynyń úzdik oqytýshysy-2014» res­pýblıkalyq baıqaýynyń úz­dikteri anyqtaldy. Bilim jáne ǵylym mınıstrligi dástúrli túrde uıymdastyratyn shara­ǵa elimizdegi 90 JOO-dan 545 úmitker qatysyp, so­nyń 200-i jeńimpaz atandy. Atal­mysh baıqaýda grant utyp alǵandarǵa álemniń jetek­shi ýnıversıtetterinde taǵy­lym­damadan ótýge, ózderiniń ǵylymı jobalaryn júzege asyrýyna múmkindik bar. *Almaty oblysynda 40 otbasy qaıta qalpyna kel­tirilgen kópqabatty turǵyn úıge qonystandy. Alakól aý­danynda ornalasqan bul úıdegi páterler múmkindigi shekteýli adamdarǵa, kópbalaly analarǵa, memlekettik qyzmetshiler men jas otbasylarǵa berilgen. Onyń jóndeý jumystaryna «Qol­jetimdi baspana-2020» baǵdarlamasy aıasynda 230 mln. teńgeden astam qarjy bó­lingen. *Qaraǵandy óńirindegi Dos­keı aýylynda jańa dári­gerlik ambýlatorııa ashyldy. Oblys ákimdiginiń bas­pasóz qyzmetiniń dere­gin­she, bul mekemeniń qury­ly­sy men jabdyqtalýyna respýb­lıkalyq qazynadan 170 mln. teńge kóleminde qara­jat jumsalǵan. Endi aýyl turǵyndary sapaly medı­sı­nalyq qyzmetti qalaǵa barmaı-aq, ózderiniń turǵy­lyq­ty jerinde ala alady. Jańa ǵımaratta 42 bólme men pedıatrııa blogy jumys is­teıdi. Sanıtarlyq avtokólik, jal­py tájirıbedegi eki dári­ger, 7 medısına qyzmetkeri halyq­qa qyzmet kórsetýge daıyn. Sondaı-aq, aldaǵy ýaqyt­ta munda qosymsha dáriha­na, ftı­zıo­terapııa kabıneti, kún­diz­gi stasıonar ashý kózdelip otyr. *Túrkistanda kásip­ker­lerge qyzmet kórsetý ortalyǵy paıdalanýǵa be­rildi. Ońtústik Qazaqstan ob­lysy «Damý» kásipkerlikti damytý qorynyń baspasóz qyzmeti atap kórsetkendeı, onda «bir tereze» qaǵıdaty boıynsha kásipkerler úshin qyzmetter kesheni usynylady. Sondaı-aq, jańa ortalyqta shaǵyn jáne orta bıznesti memlekettik qoldaý jáne damytý sharalary týraly da maǵlumattar beriledi. *Aqtóbede aımaqtyq sı­mýlıasııalyq ortalyq óz ju­mysyn bastady. Munda aký­sher isi jáne gınekologııa, hırýr­gııa men terapııa, med­bıke isi synyptary qyzmet kór­sete­di. Aıta keteıik, zama­naýı sı­mý­lıatorlarmen jab­dyq­talǵan bul oqý ortalyǵynda 50 mln. teńgege satyp alynǵan robottar bar. *Soltústik Qazaqstanda ja­ńa meshit ashyldy. «Qyzyl­jar» ortalyq meshitiniń bas­pasóz qyzmeti Esil aýda­nyn­daǵy Jarǵaıyń aýylynda boı kótergen meshitti jeke kásipker Dýlat Qalıtov óz qarajatyna salǵanyn málimdedi. Ǵıba­dat­hanada kitaphana, ashana jumys isteıdi. *Aqtaýda mádenıet pen sportty damytý isi bas­ty nazarda tur. Qalalyq eko­no­mıka jáne bıýdjettik jos­parlaý bóliminiń bastyǵy Ada Kımniń sózine qaraǵanda, bıyl 496 mln. teńgeden astam qarjy atalǵan salalardy óristetýge jumsalatyn kórinedi. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.