«POSUK Titanium» – tıtan quımalaryn óndiretin jańa kásiporyn

О́ndirisi óskeleń О́skemende taıaýda «POSUK Titanium» JShS-niń zaýyty iske qosyldy. Elbasy Nursultan Nazarbaevtyń qatysýymen Indýstrııalandyrý kúnine oraı ótken jalpyulttyq telekópir barysynda paıdalanýǵa berilgen jańa zaýyt elektrondy-sáýle qýatymen balqytý ádisi boıynsha tıtan quımalary men balqymalaryn óndiredi. Údemeli ındýstrııalyq-ınno­va­sııalyq damý memlekettik baǵdar­la­masynyń alǵashqy besjyldyǵynda «О́skemen tıtan-magnıı kombınaty» AQ álemdik qurysh quıý óndirisinde jetekshi orynǵa ıe alyp kásiporyndardyń biri bolyp tabylatyn ońtústikkoreıalyq «POSCO» kompanııasynyń qatysýymen iri ınnovasııalyq jobany júzege asyrdy. Memleket basshysy Nursultan Nazarbaev atalǵan jobany júzege asyrǵany úshin Astana qalasyndaǵy «Altyn sapa» atty Qazaqstan Respýblıkasy Prezıdenti syılyǵynyń laýreattaryn marapattaý saltanatynda «О́TMK» AQ prezıdenti Ásem Mamytovany «Innovasııalyq serpilis» atalymy boıynsha marapattady. – Qurmetti Nursultan Ábishuly! Siz­diń qoldaýyńyzdyń arqasynda О́ske­men tıtan-magnıı kombınaty álemdegi jetekshi metallýrgııalyq kásip­oryndardyń biri sanalatyn ońtús­tik­koreıalyq «POSCO» kompanııasymen birigip, osy óndiris ornyn qurdy. Tıtan quımalary men balqymalaryn óndiretin kásiporyndy iske qosýǵa ruqsat etińiz, – dep málimdedi atalǵan telekópir barysynda zaýyt dırektory Valerıı Sychev. Memleket basshysy jańa kásip­orynnyń Qazaqstan úshin mańyzdy joba ekenin atap ótip: «Bul – eń ozyq ónim. Zaýyt úlken. Bolashaǵy bar. Siz­derdi kásiporynnyń iske qosylýymen quttyqtaımyn jáne eńbekterińizge jemis tileımin. Tıtan óndirý – Qazaqstan úshin jańadan qolǵa alynyp jatqan jobalardyń biri», – dedi jáne jańa zaýyt­tyń saltanatty túrde iske qosylýy­na ruqsat berdi. Bul mereıli sátti zaýyt ujymy zor qýanyshpen qabyldap, dý qol soqty. Aıta ketken abzal, 2010 jyly «О́TMK» AQ ońtústikkoreıalyq «POSCO» kom­panııasymen birge «POSUK Titanium» JShS birikken kásipornyn qurǵan bolatyn. 2011 jyly Shyǵys Qazaqstan oblysynyń ortalyǵynda zaýyttyń qurylysy bastaldy. Qýaty jylyna 6 myń tonnadan astam tıtan quımalary men balqymalaryn shyǵarýǵa jetetin zaýytta ári qaraı munaı óndirý, hımııa ónerkásibi, keme qurylysy, energetıka, sýmen qamtý jáne tushytý qondyrǵylaryna arnalǵan ystyq hám sýyq kúıinde ılengen tıtan tabaqtary men qubyrlary óndiriledi. Jobanyń quny 70 mln. AQSh dollaryn qurady. 2014 jyldyń 23 qyrkúıeginde zaýytta elimizdiń tarıhynda alǵash ret 10 tonnalyq tıtan quımasy alyndy. Qazirgi kezeńde kásiporynda 70 jumys orny quryldy. Josparǵa sáıkes, aldaǵy ýaqytta 200 adamǵa deıin jumyspen qamtylmaq. «POSCO» prokatynyń zamanaýı tehnologııasyn paıdalaný «POSUK Titanium» JShS qazaqstandyq-koreıalyq birlesken kásipornyna tıtan prokaty boıynsha álemdik naryqqa shyǵýyna múmkindik beredi. Balqytýdyń jańa tehnologııasy «О́TMK» AQ ınnovasııalyq tehnologııany engizýge jáne tıtan ónimderi tizimin keńeıtýge, el ekonomıkasynyń básekege qabilettiligin kóterýge jáne eksporttyq áleýetin arttyrýǵa tyń serpin ákelmek. Zaýyt dırektory Valerıı Sychevtiń aıtýynsha, «POSUK Titanium» zaýytynyń birinshi kezegi tolyǵymen paıdalanýǵa berildi. Osyǵan deıin úsh synaqtyq quıma alyndy. Jýyrda ǵana uzyndyǵy 5 metr bolatyn salmaǵy 20 tonnalyq quıma quıylǵan. Qazir ońtústikkoreıalyq «POSCO» kompanııa­symen kelisimshart júrgizilýde. Iаǵnı quımalar Ońtústik Koreıaǵa jóneltiledi. Olar ónimdi sertıfıkattaýdan ótkizgen soń óndiristik jospardy oryndaý bas­talady. Osylaısha, tıtan quımalary prokaty shetelderge eksporttala bas­taıdy. – Bul bizdiń ujym úshin óte qýanyshty sát. Prezıdent telekópirde jańadan qurylǵan óndiris ornynyń tıimdiligine toqtaldy. Álbette, tıtan quımalaryn óndirý elimizde endi órkendep kele jatqan salalardyń biri. Búkil álemde tıtannyń 15 paıyzy óndiriledi. Iаǵnı zaýyt Qazaqstannyń tıtan óndirisinde jetekshi el bolýy úshin jańa múmkindikterge jol ashady, – dedi «О́TMK» AQ óndiristik-tehnıkalyq basqarma bastyǵy Vladımır Kolchev. V.Kolchev búginde zaýyttyń ekinshi kezegine ázirlik júrgizilip jatqanyn, onyń qurylysy keler jyly paıdalanýǵa berilýi múmkin ekenin jetkizdi. Sol kezde zaýyttyń jalpy qýaty 12-13 myń tonnaǵa deıin tıtan quımalaryn óndirýge jetedi. Zaýyttyń ashylý saltanatynda óńir basshysy Danıal Ahmetov Prezıdent pármenimen júzege asyrylǵan jańa óndiris orny arqyly ónim quny joǵarylaǵanyn jetkizdi. – Bul – óte úlken joba. 6 myńnan astam tıtan quımasy qarjylaı eseptegende shamamen 60 mln. dollarǵa teń bolady. Zaýyttyń ózindik ereksheligi, damý keleshegi bar. Kásiporyn sehynda jaqynda ekinshi alań iske qosylyp, ónim kólemi kóbeıe túspek. Álemdik naryqta oryn alý úshin shıkizat qana emes, onyń qunyn joǵary baǵada sata alatyn ónim óndirý qajet. Bul oraıda bizdiń oblysymyz men kásiporyndarymyzdyń áleýeti úlken. Kendi Altaıymyzdyń qoınaýy qazba baılyqqa toly. Sondyqtan metallýrgııalyq sala – udaıy nazarymyzda. Aldymyzda aýqymdy mindetter tur. О́ńirdegi iri kásiporyndardyń jetekshileri men ujymdarynyń joǵary marapattarǵa ıe bolyp jatqany qýantady. Bul – joǵary sapa belgisi. 2015 jyldyń 1 qańtarynan bastap Eýrazııalyq ekonomıkalyq odaq óz jumysyn bastady. Osy odaq qurylymy aıasynda básekege qabiletti bolýymyz úshin sapaǵa da joǵary kóńil bólemiz, – dedi oblys ákimi Danıal Ahmetov. Dýman ANASh, «Egemen Qazaqstan». О́SKEMEN.