Ispanııalyq komanda bes dúrkin «Altyn dop» ıegerine salyqty eseptemegende jylyna 39,4 mıllıon eýro aqsha usynýǵa daıyn otyr. Al kelisimshart boıynsha onyń transferlik quny 250 mıllıon eýrony quraıdy.
Sondaı-aq, ózge komandaǵa aýysqan jaǵdaıda bul somanyń 10 mıllıon eýrosyn ózine alýǵa quqyly. Qazirgi kelisimi 2017/18 maýsymynyń sońyna deıin. Al jalaqysy – 22,8 mıllıon eýro. Málimetter boıynsha, resmı usynys osy aıdyń sońyna jasalady.
Birer kún buryn argentınalyq fýtbolshynyń ákesi Horke Messı ulynyń eshqaıda ketpeıtindigin senimdi túrde aıtqan bolatyn. Bul maýsymda ol 24 matchqa qatysyp, 27 goldyń avtory atanǵan.
Aıta keteıik, ótken aıda Qytaıdyń «Shanhaı Shenhýa» komandasyna aýysqan Karlos Teves jalaqysy eń joǵary fýtbolshylardyń reıtınginde kósh bastaǵan.
