Sharaına
Álemdik saýda alańdarynda munaıdyń baǵasy taǵy da aıtarlyqtaı qulady. London bırjasyndaǵy saýda qorytyndylary boıynsha Brent markaly munaı quny 4,71 paıyzǵa tómendep, 1 barreli úshin 53,14 dollar ǵana boldy.
Nıý-Iork taýar bırjasyndaǵy WTI munaı quny da 5 paıyzǵa jýyq quldyrady. Sóıtip, onyń barreliniń quny bar-joǵy 50,14 dollar ǵana boldy. Sarapshylardyń atap ótýinshe, Eýropa men AQSh-ta munaıǵa osyndaı tómen baǵa sońǵy 5 jyldan astam ýaqytta baıqalmaǵan. Irannyń munaı mınıstri Bıdjan Namdar Zanganeniń boljamynsha, jaqyn aılarda 1 barrel munaıdyń quny shamamen 70-90 dollar aralyǵynda terbelip turatyn bolady.
Jankeshti NATO konvoıyn shabýyldady
Lańkes-jankeshti Aýǵanstannyń shyǵysyndaǵy Nangarhar provınsııasynda NATO konvoıyna shabýyl jasady. Oqıǵa Jalalabad jáne Torkham qalalarynyń arasynda oryn alǵan.
Jankeshti Soltústik Atlantıka alıansynyń áskerı kolonnasy ótip bara jatqan jol boıynda ózin ózi jaryp jibergen. Shabýyl saldarynan brondy tehnıkaǵa aıtarlyqtaı nuqsan kelse, yqtımal qurbandyqtar týraly eshteńe aıtylmaıdy. Shabýylǵa jaýapkershilikti «Talıban» qozǵalysynyń basshylyǵy óz moıyndaryna alyp úlgerdi. Buǵan deıin jankeshti Eýroodaqtyń polısııa mıssııasynyń mashınasyn shabýyldasa, lańkestik saldarynan kem degende bir adam qaza taýyp, beseýi jaralanǵan bolatyn.
Eýroodaqqa tapsyrysyn keri qaıtarady
Islandııa bıligi jaqyn ýaqytta Eýroodaqqa ótýden bas tartýdy josparlap otyr. Bul týraly eldiń premer-mınıstri Sıgmýndýr Davıd Gýnnlaýgsson málimdedi. Onyń sózine qaraǵanda, 2009 jyly resmı berilgen tapsyrys osy jyldyń basynda keri qaıtaryp alynatyn bolady.
Islandııa Eýroodaqqa kirý týraly tapsyrysty asa aýyr ekonomıkalyq jaǵdaıda qalǵan 2009 jyldyń shildesinde bergen edi. Sol ýaqytta EO-ǵa qosylý el ekonomıkasyn turaqtandyrýǵa kómektesedi degen pikirler keń taraǵan-tyn. Al atalǵan máselege baılanysty kelissózder 2010 jyly bastalsa, 2013 jyly Islandııanyń jańa úkimeti EO-ǵa kirýdi toqtata turý týraly sheshim qabyldaǵan edi. О́ıtkeni, EO men Islandııa arasynda keıbir máseleler boıynsha kelispeýshilikter bar delinip otyr.
Sarnaevty qandaı jaza kútip tur?
Boston sotynda Johar Sarnaevqa qatysty prosess úshin alqa bılerdi irikteý bastaldy. 21 jastaǵy Sarnaev 2013 jyldyń sáýirindegi marafon kezinde lańkestik jasady dep aıyptalǵan bolatyn. Lańkestik saldarynan 3 adam qaza tapsa, 260-tan astamy túrli deńgeıde dene jaraqatyn alǵan edi.
Taıaýdaǵy 3 kún ishinde 1200 adamnyń ishinen 12 negizgi jáne 6 qosalqy jıýrı múshelerin iriktep alý mindeti tur. Sot prosesi 26 qańtarda bastalady jáne ol 3-4 aıǵa sozylýy yqtımal delinip otyr. Eger Sarnaev kináli dep tanylsa, ol ólim jazasyna kesilýi yqtımal. Al advokattar ábjildik tanyta alǵan jaǵdaıda, ol ómir baqı túrmede otyrý úkimin alýy múmkin.
Altyn shynjyrdyń uzyndyǵy – 5 km
Birikken Arab Ámirlikterinde uzyndyǵy 5,52 shaqyrym bolatyn altyn shynjyr jasap shyǵaryldy. Jaqyn arada bul zergerlik buıym Gınnestiń rekordtar kitabyna engiziletin bolady.
Jergilikti The National basylymynyń aqparatyna qaraǵanda, shynjyrdyń salmaǵy 256 kılogramnan assa, quny shamamen 6 mıllıon dollarǵa jýyqtaıdy eken. Bul zergerlik buıymdy jasaý úshin 100-den astam adam 45 kún boıy eńbektengen. Búginde shynjyrdy Dýbaıdyń eski bóligindegi Altyn bazary mańynda qyzyqtaýǵa bolatyn kórinedi. Áshekeı Dýbaıda 1 aqpanǵa deıin jalǵasatyn 20-shy Saýda festıvali qarsańynda arnaıy jasalypty.
Smartfon quny – 6 000 dollar
Asa qymbat turatyn smartfondar shyǵaratyn Italııanyń Tonino Lamborghini Mobile kompanııasy smartfonnyń quny 6 myń dollar turatyn jańa úlgisin usyndy. Tusaýkeser 6 qańtarǵa qaraǵan túni ótti.
Elektr quraldaryna baǵanyń jappaı tómendeý úrdisi baıqalyp otyrǵanyna qaramastan, ıtalııalyq kompanııa ózi úshin eń qymbat úlgini shyǵarýǵa sheshim qabyldaǵan. Osynyń aldyndaǵy úlgidegi smartfondar quny shamamen 4 myń dollar turady. Alaıda, rynokta budan da qymbat modelder bar ekeni belgili. Kompanııanyń bas dırektory Bob Hatefıdiń ózi moıyndap otyrǵandaı, smartfonnyń sońǵy úlgisi sonshalyqty bir qajettilik bolyp tabylmaıdy, buǵan tek ıesin basqalardan ereksheleýdiń bir tásili retinde ǵana qaraǵan jón.
Qysqa qaıyryp aıtqanda: *Hokkeıden jastar arasyndaǵy álem chempıonatynyń fınalynda Reseı quramasy alań ıeleri – Kanada quramasynan 5:4 esebimen jeńilip qaldy. Sóıtip, Torontoda ótken álem birinshiliginde Kanada jastar quramasy chempıon atandy.
*Egıpet astanasy – Kaır qalasyna jaqyn mańda ornalasqan Ál-Mınıa qalasynda betperde kıgen belgisiz bireýler 2 polısııa qyzmetkerin atyp ketken. Tártip saqshylary qaladaǵy shirkeýlerdiń biriniń janynda kezekshilikte júrse kerek. *Ońtústik Koreıanyń qorǵanys salasy boıynsha satyp alýlar júrgizý agenttigi Ońtústik Koreıanyń Hyundai Rotem kompanııasynan 901,5 mıllıard vonǵa (820,3 mıllıon dollar) tankter satyp alý boıynsha kelisimshartqa qol qoıdy. Brazılııadaǵy temirjol apaty saldarynan zardap shekken jolaýshylar sany 140-qa jetti. Buǵan deıin eki poıyz soqtyǵysynan 69 adam jaraqat aldy delingen bolatyn. Qýanyshqa oraı, qurbandyqtar joq. Apat saldarynan temirjol qozǵalysy ázirshe toqtatylyp tur. Internet materıaldary negizinde ázirlendi.
